თორნიკე მანდარია რადიო თავისუფლების ჟურნალისტია, რომელმაც პირველი ადგილი დაიკავა კონკურსის „მედია თანასწორობისთვის 2022"  კატეგორიაში „საუკეთესო ცენტრალური მედია პროდუქტი" ნამუშევრისთვის „თოზუ თანასწორობისთვის".

თორნიკეს ნამუშევარს შეგიძლიათ გაეცნოთ შემდეგ ბმულზე.

ანი ვაშაგაშვილი ფორმულას ჟურნალისტია, რომელმაც მეორე ადგილი დაიკავა კონკურსის „მედია თანასწორობისთვის 2022"  კატეგორიაში „საუკეთესო ცენტრალური მედია პროდუქტი" ნამუშევრისთვის „ირანელი ქალები".

ანის ნამუშევარს შეგიძლიათ გაეცნოთ შემდეგ ბმულზე.

ნინო ბიძინაშვილი ნეტგაზეთის ჟურნალისტია, რომელმაც მესამე ადგილი დაიკავა კონკურსის „მედია თანასწორობისთვის 2022"  კატეგორიაში „საუკეთესო ცენტრალური მედია პროდუქტი" ნამუშევრისთვის „მენსტრუაციის ხარჯები  ქალების უხილავი პრობლემა".

ნინოს ნამუშევარს შეგიძლიათ გაეცნოთ, შემდეგ ბმულზე

ნათია გულისაშვილი დამოუკიდებელი/ინდივიდუალური კონტენტ კრეატორია, რომელიც პლატფორმა ტიკტოკზე მოხალისეობრივად საუბრობს ქალთა და სხვა ჩაგრული ჯგუფების გამოწვევებსა და პრობლემებზე, აქტიურად ეხმიანება გენდერული თანასწორობის კუთხით ქვეყანაში მიმდინარე პროცესებს და იყენებს თავის ათობით ათასი გამომწერის მქონე პლატფორმას ქალებისთვის მნიშვნელოვანი საკითხების დღის წესრიგში დაყენებისთვის.

ნათიამ კონკურსში „მედია თაანსწორობისთვის 2022" პირველი ადგილი დაიკავა კატეგორიაში „საუკეთესო დამოუკიდებელი/ინდივიდუალური კონტენტის შემქმნელი სოციალურ მედიაში", ვიდეოების სერიით „მოდით, ვისაუბროთ."

ნამუშევრების სანახავად ეწვიეთ შემდეგ ბმულს.

ელენე ასათიანი დამოუკიდებელი/ინდივიდუალური კონტენტ კრეატორია, რომელმაც სხვადასხვა სოციალურ ქსელში შექმნა პლატფორმა Asymptote Journey, სადაც ის კეთილდღეობაზე, ქალთა საკითხებზე, მენტალურ ჯანმრთელობაზე, საკუთარ თავზე ზრუნვასა და სხვა მნიშვნელოვან თემებზე სხვასდასხვა ტიპის კონტენტს ავრცელებს.

ელენემ მეორე ადგილი დაიკავა კონკურსში „მედია თანასწორობისთვის 2022", კატეგორიაში „საუკეთესო დამოუკიდებელი/ინდივიდუალური კონტენტის შემქმნელი სოციალურ მედიაში", ვიდეო ნამუშევრით, „დედაჩემი ყველაზე ძლიერია".

ნამუშევრის სანახავად ეწვიეთ შემდეგ ბმულს.

მარიამ ნანობაშვილი დამოუკიდებელი/ინდივიდუალური კონტენტ კრეატორია, რომელიც იუთუბ არხზე Mariam Blanc Nanobashvili, სადაც ის სიმსივნის დამარცხებაზე, სექსუალურ-რეპროდუქციულ ჯანმრთელობასა და სხვა მნიშვნელოვან საკითხებზე ქმნის და ავრცელებს კონტენტს.

მარიამმა მესამე ადგილი დაიკავა კონკურსში „მედია თანასწორობისთვის 2022", კატეგორიაში „საუკეთესო დამოუკიდებელი/ინდივიდუალური კონტენტის შემქმნელი სოციალურ მედიაში", ვიდეო ნამუშევრით, „ქალების საჭიროებები | რეპროდუქციული ჯანმრთელობა".

ნამუშევრის სანახავად ეწვიეთ შემდეგ ბმულს.

ონლაინ გამოცემა “ქვიარი” აერთიანებს ლიბერალური ღირებულებების მქონე ადამიანებს. ადამიანის უფლებების უგულებელყოფამ არაერთი ბარბაროსული აქტი და კაცობრიობის წინააღმდეგ ჩადენილი დანაშაული გამოიწვია. გამოცემაში სჯერათ, რომ თითოეული ადამიანის უფლებების დაცვა ხელს უწყობს სოციალურ პროგრესსა და საყოველთაო კეთილდღეობას, ხოლო გამოხატვისა და სიტყვის თავისუფლების გარეშე შეუძლებელია ისეთი სამყაროს შექმნა, სადაც ადამიანები თავისუფლები იქნებიან შიშისგან, სიღარიბისა და ჩაგვრისგან. ქვიარი მუშაობს საქართველოში ერთ-ერთი ყველაზე ჩაგრული სოციალური ჯგუფის – ქვიარ თემის უფლებებისთვის და ასევე, სოლიდარულია ყველა სხვა სოციალური ჯგუფებისა თუ ადამიანის მიმართ, ვისი უფლებებიც ირღვევა. 

პლატფორმას შეგიძლიათ გაეცნოთ, ბმულზე.

კავშირი „საფარი“ 2001 წელს დაარსდა, როგორც ოჯახში ძალადობის მსხვერპლთა რეაბილიტაციის ცენტრი. „საფარი” იყო პირველი ორგანიაზაცია, რომელმაც გახსნა პირველი თავშესაფარი ოჯახში ძალადობის მსხვერპლთათვის. თავშესაფარში მსხვერპლებს საშუალება ჰქონდათ, მიეღოთ სამედიცინო და ფსიქოსოციალური დახმარება. ანალოგიურ დახმარებას სთავაზობდა „საფარი“ ნებისმიერ მის კლიენტს. „საფარის“ საქმიანობა მოიცავს არა მხოლოდ ძალადობის მსხვერპლი ქალებისთვის უფასო იურიდიული და ფსიქოლოგიური დახმარების გაწევას, არამედ საზოგადოების ცნობიერების ამაღლებას ოჯახში ძალადობის პრევენციის მიზნით, პოლიციელების და სოციალური მუშაკების გადამზადებასა და გენდერული თანასწორობისა და ძალადობის აღმოფხვრის კუთხით ქართული კანონმდებლობის მაქსიმალურ გაუმჯობესებას.

2013 წლიდან, „საფარმა“ გააფართოვა საქმიანობის მანდატი და ის მუშაობს ყველა იმ საკითხზე, რომელიც ქალთა უფლებებს უკავშირდება. „საფარი“ აქტიურად ჩაერთო საკანონმდებლო, ადვოკატირების და ლობირების საქმიანობაშიც. ამჟამად, „საფარი“ ოჯახში და ზოგადად ქალზე ძალადობის წინააღმდეგ მიმართული მუშაობის გარდა, ორიენტირებულია დისკრიმინაციასთან ბრძოლაზე, ქალთა პოლიტიკური მონაწილეობის გაზრდაზე და ქალთა მოძრაობის გაძლიერებაზე.

„საფარის“ მისიაა თანასწორი, არადისკრიმინაციული და არაძალადობრივი გარემოს შექმნა.

პლატფორმას შეგიძლიათ გაეცნოთ, ბმულზე.

GrlzWave არის ფემინისტური მულტიმედიური პლატფორმა თბილისიდან, რომელიც ძირითადად აქტიურია სოციალურ მედიაში, Facebook-ზე, Instagram-სა და TikTok-ზე. თავისი კონტენტის მეშვეობით, პლატფორმა იბრძვის სტერეოტიპების, დოგმებისა და უთანასწორობის წინააღმდეგ, რომლებიც პატრიარქალურ საზოგადოებაშია ჩადებული.

პლატფორმის მისიაა, მიაწოდოს ადამიანებს ინფორმაცია სოციალური საკითხების, სექსუალობის, ჰომო/ტრანსფობიის, ფსიქიკური ჯანმრთელობის, სექსიზმის და ა.შ. შესახებ და შევქმნათ უსაფრთხო სივრცე, სადაც ყველას შეუძლია თავისუფლად ისაუბროს, გაუზიაროს ისტორიები/გამოცდილები და მოუსმინოს ერთმანეთს სიძულვილის ენის გარეშე.

პლატფორმას შეგიძლიათ გაეცნოთ ბმულზე.