ანნას განათლება მიღებული აქვს ჰოლანდიაში, მდგრადი განვითარებისა (MsC) და ბიოლოგიის (BsC) მიმართულებით. ის 2007 წლიდან მუშაობს WECF-ისთვის აღმოსავლეთ ევროპის სხვადასხვა ქვეყანაში, ხოლო 2015 წელს ოფიციალურად შემოუერთდა WECF საქართველოს გუნდს. ანნას ინტერესის სფეროებია: გენდერული საკითხები კლიმატის პოლიტიკასა და ქმედებებში, პრობლემის გადაჭრის მდგრადი ენერგეტიკული მიდგომები, სუფთა წყლისა და სანიტარიის პრობლემები.

მელანო ცხვარაძე ორგანიზაციას 2021 წლიდან შემოუერთდა, როგორც პროექტის ასისტენტი. 2023 წლიდან კი პროექტების კოორდინატორის პოზიცია დაიკავა. ის გენდერის მკვლევარია და მაგისტრის ხარისხი გენდერის, თანასწორობისა და სოციალური პოლიტიკის მიმართულებით მიღებული აქვს საფრანგეთში.

მისი კვლევის სფეროებია: ქალთა შრომა, გენდერი და მიგრაცია, მიგრაციის პოლიტიკა, გენდერი და საჯარო პოლიტიკა, ინტერსექციონალიზმი. მისი საქმიანობა ასევე მოიცავს ადგილობრივ და საერთაშორისო ორგანიზაციებთან თანამშრომლობას, რომლებიც ქალთა გაძლიერებასა და მათი პოლიტიკასა და გადაწყვეტილების მიმღებ პოზიციებზე წარმომადგენლობის გაზრდაზე მუშაობენ.

ნესტანი WECF საქართველოს გუნდს 2015 წლიდან შემოუერთდა. მას აქვს მაგისტრის ხარისხი და მრავალწლიანი გამოცდილება ფინანსების მიმართულებით. გამოცდილება ძირითადად დაგროვილი აქვს საერთაშორისო დონორებისგან დაფინანსებული პროექტების მართვისას. ნესტანი სხვადასხვა დროს ფინანსურად მართავდა მსოფლიო ბანკის, შვედეთის განვითარების სააგენტოს, USAID, ევროკომისიის, ფრიდრიხ ებერტის ფონდის, GIZ, პრო ნატურა-დედამიწის მეგობრები-შვეიცარია და სხვა დონორების მიერ დაფინანსებული არაერთ პროექტს.

ელენა WECF საქართველოს ფონდების მოძიებისა და კვლევით გუნდს სექტემბერში შემოუერთდა. კონფლიქტებისა და მშვიდობის დარგში მაგისტრის ხარისხის მოპოვების შემდეგ ის ახლა გენდერული კვლევების სამაგისტრო პროგრამის სტუდენტია შვედეთში. 

მისი ინტერესის სფეროებია: ქალები, ლგბტქ+ ადამიანები და სხვა უმცირესობები კონფლიქტურ  ზონაში, გენდერული ნიშნით ძალადობა და ქვიარ პოლიტიკა. ის წლების განმავლობაში ქალთა და ქვიარ ორგანიზაციებში, ევროპის სხვადასხვა ქვეყნებში მუშაობდა და ახლა ამ გზას საქართველოში აგრძელებს.