სიახლეები

კვლევის პრეზენტაცია და ეკოფემინისტური სამუშაო ჯგუფის წარდგენა

*FOR ENGLISH SCROLL DOWN*

დრო: 2 ოქტომბერი, 14:30                                                                                                                      ადგილი: Redisson Blu Iveria

“ქალები საერთო მომავლისთვის (WECF) - საქართველო” გიწვევთ კვლევის “კლიმატის ცვლილებით გამოწვეული კატასტროფები და ქალები: ეკომიგრაციის პრევენციისა და მართვის სისტემური პრობლემები” პრეზენტაციასა და პირველი ეკოფემინისტური სამუშაო ჯგუფის  ოფიციალურ წარდგენაზე.

• კვლევის შესახებ ისაუბრებს მკვლევარი - მარიამ დევიძე

დასწრებისთვის, გთხოვთ შეავსოთ სააპლიკაციო ფორმა 25 სექტემბრის ჩათვლით.

ინფორმაციას პრეზენტაციის ადგილმდებარეობის შესახებ მიიღებთ რეგისტრაციის შემდგომ, ელექტრონული ფოსტის მეშვეობით.

კლიმატის ჩარჩო-კონვენციასთან საქართველოს მე-4 ეროვნული შეტყობინების დოკუმენტის მიხედვით, საქართველოში დასახლებული პუნქტების 60% სხვადასხვა ტიპის კლიმატის ცვლილების შედეგად დაჩქარებული სტიქიებისა და კატასტროფების რისკების წინაშე დგას, რაც განსაკუთრებით თვალსაჩინო გახდა გასულ წელს, რისი მაგალითიცაა 2023 წელს მომხდარი კატასტროფები რაჭაში, გურიაში, აჭარასა დაიმერეთში.  კატასტროფების რისკებისა და მიყენებული ზიანის შემცირება სისტემურ მიდგომას და ამ პროცესების ადეკვატურ მართვას საჭიროებს. თუმცა, დღეს სახელმწიფოს პოლიტიკა კლიმატის ცვლილებით გამოწვეული კატასტროფების მართვასთან დაკავშირებით ბუნდოვანი და არაეფექტურია. არსებული მართვის მექანიზმები კი, სრულიად დაცლილია გენდერული ასპექტებისგან.

ორგანიზაციამ “ქალები საერთო მომავლისთვის (WECF) - საქართველო“ ეკომიგრაციის საკითხებზე მუშაობა გასული წლის ოქტომბერში დაიწყო. ეკომიგრაცია სახელმწიფოს მხრიდან მხოლოდ სოციალური პრობლემად არის აღქმული, რაც აფერხებს ეკომიგრანტებისთვის ადეკვატური მხარდაჭერის მიღებას, რომელსაც არ ექნება მხოლოდ ერთჯერადი ხასიათი. ამ და სხვა საკითხებზე WECF საქართველომ, კლიმატისა და გარემოსდაცვითი საკითხების მკვლევართან მარიამ დევიძესთან თანამშრომლობით, ჩაატარა კვლევა, და მოხარულები ვართ მოგიწვიოთ კვლევის პრეზენტაციაზე.

გარდა ამისა, WECF საქართველო მიზნად დაისახა პირველი ეკოფემინისტური სამუშაო ჯგუფის შექმნა, რომლის ფარგლებშიც გაერთიანდებიან კლიმატის ცვლილებასა და გარემოსდაცვით, გენდერისა და ქალთა საკითხებზე მომუშავე ორგანიზაციები და ერთობლივად იმუშავებენ ეკომიგრაციის მართვის საკითხებზე. გვსურს, ოფიციალურად წარვადგინოთ სამუშაო ჯგუფის კონცეფცია და მიზნები, და ჯგუფში გაწევრიანების შესაძლებლობა მივცეთ ორგანიზაციებსა და აქტივისტებს.

-

Time: October 2, 14:30                                                                                                                 Location: Radisson Blu Iveria  

by Anna Samwel

ონლაინ ტრეინინგი ClimaFemx გენდერისა და კლიმატის ურთიერთმიმართების შესახებ

ჩვენი ორგანიზაციის საერთაშორისო და გერმანიის ოფისები, Ifa - Institut für Auslandsbeziehungen-თან და Beeco-სთან ერთად გიწვევთ ტრეინინგზე ClimaFemx, რომელიც გენდერისა და კლიმატის ურთიერთმიმართებას შეეხება.

თუ ხართ ქალი ან გენდერულად არაკონფორმული ახალგაზრდა და გსურთ მეტი გაიგოთ კავშირზე გენდერსა და კლიმატს შორის, გამოაგზავნე განაცხადი ჩვენს ClimaFemx პროგრამაზე!

ტრეინინგი განკუთვნილია საქართველოში, აზერბაიჯანსა თუ გერმანიაში მცხოვრები ახალგაზრდებისთვის და გაგრძელდება მთელი სექტემბრის განმავლობაში (თარიღები დაზუსტდება). ტრეინინგების სერიას უძღვებიან ჩვენი ორგანიზაციის საერთაშორისო ოფისის თანამშრომლები და შესაბამისად, გთხოვთ, გაითვალისწინოთ, რომ ღონისძიება სრულად ტარდება ინგლისურ ენაზე.

კურსის დასასრულს, მონაწილეები მიიღებენ სერტიფიკატს.

გაიგეთ მეტი და გამოაგზავნეთ განაცხადი: https://shorturl.at/czXUG

• განაცხადის გამოგზავნის ბოლო ვადაა: 31 ივლისი

by Anna Samwel

პროექტი "ინკლუზიური მომავალი: ქალების, ახალგაზრდების და უმცირესობების გაძლიერება ცვლილებებისთვის"

პროექტის „ინკლუზიური მომავალი: ქალების, ახალგაზრდების და უმცირესობების გაძლიერება ცვლილებისთვის“, რომელსაც ორგანიზაცია  “ქალები საერთო მომავლისათვის (WECF) - საქართველო”, ადგილობრივ აქტივისტებთან და სათემო ლიდერებთან ერთად ახორციელებს, მთავარი მიზანი ანტიგენდერული კამპანიის, დისკრიმინაციისა და მარგინალიზაციის წინააღმდეგ ბრძოლაა, რომელსაც საქართველოში ეთნიკური და რელიგიური უმცირესობების ქალები, ახალგაზრდები და სხვა ჩაგრული ჯგუფები აწყდებიან.  

პროექტი ხორციელდება სამცხე-ჯავახეთისა და კახეთის რეგიონებში და მის მთავარ ფოკუსს ქალთა პოლიტიკური მონაწილეობა, აქტიური მოქალაქეობა და დემოკრატიულ პროცესებში ეთნიკური და რელიგიური უმცირესობების ჩართულობის ზრდა წარმოადგენს. 

ამის გათვალისწინებით, პროექტის ერთ-ერთი მთავარი ამოცანაა, ერთი მხრივ, ქალთა პოლიტიკურ მონაწილეობასა და გენდერულ თანასწორობაზე შესაბამისი ცოდნის გავრცელება, ხოლო, მეორე მხრივ, სამიზე რეგიონებში მცხოვრები ქალებისა და ახალგაზრდების უნიკალური საჭიროებების იდენტიფიცირება და მათი პოლიტიკურ დღის წესრიგში დაყენების აუცილებლობის ხაზგასმა. პროექტი განსაკუთრებულ მნიშვნელობს ანიჭებს ახალგაზდების ჩართულობას და მათზე მორგებული ცნობიერების ამაღლების ინკლუზიური კამპანიის წარმოებას. 

გარდა ამისა, პროექტი მოიაზრებს რეგიონულ მედიასთან მუშაობასაც, რათა ერთი მხრივ, ეთიკურად და აქტუალურად გაშუქდეს ზემოაღნიშნული საჭიროებები, ხოლო მეორე მხრივ, რეგიონში მომუშავე ჟურნალისტებს, თავიანთი საქმიანობის პროცესში, ჰქონდეთ შესაბამისი მხარდაჭერა, რაც გულისხმობს გენდერულ დეზინფორმაციასთან ბრძოლის რეგიონალური კონტექსტის გაცნობას, კიბერ უსაფრთხოების მიმართულებით გაძლიერებას თუ მენტალური და ფიზიკური ჯანმრთელობაზე ზრუნვის მნიშვნელობას პროფესიული საქმიანობის განხორციელებისას.  

პროექტი ხორციელდება USAID-ის „ერთიანობა მრავალფეროვნებაშია“ პროგრამის დახმარებით, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს ფინანსური მხარდაჭერით. 

by Anna Samwel

ეკოფემინისტური ფესტივალი – ეკოფემინისტური მოძრაობის მშენებლობის 30 წელი

დაარსების (1994 წ.) დღიდან, ორგანიზაცია “ქალები საერთო მომავლისთვის (WECF)” მუშაობს თავის გლობალურ პარტნიორებთან ერთად და მათ მხარდამხარ, ეკოფემინისტური მოძრაობის გაძლიერებაზე. ამის აღსანიშნავად ჩვენი ორგანიზაციის ყველა ოფისის წარმომადგენლებმა 22 ივნისს ამსტერდამში ეკოფემინისტურ ფესტივალს უმასპინძლეს, რომლის მიზანიც იყო წარმოგვეჩინა ეკოფემინიზმი და მისი მრავალგვარი გამოხატულებები! ეკოფემინისტური ფესტივალი დაეთმო ინტერაქციულ სესიებს, კრეატიულ სემინარებს, სპეციალურ სტუმრებთა მოხსენებებს, საინტერესო გამოფენებს, ცოცხალ მუსიკასა და საინტერესო გამოფენა-გაყიდვებს. Მსგავსი შეკრება ზუსტად ასახავდა იმ სულისკვეთებას, რომელსაც WECF თავის თავში მოიცავს. ღონისძიებებს ესწრებოდნენ წარმომადგენლები WECF-ის ყველა ოფისიდან და ყველა აქტივობა ეხებოდა ისეთ საკვანძო საკითხებს, როგორებიცაა: მდგრადი განვითარება, კლიმატის ცვლილება და ტოქსიური ნივთიერებებისგან თავისუფალი მომავალი. 

“დღევანდელი დღეს არსებული კონფლიქტების ფონზე, ფემინისტური სოლიდარობა იმაზე მნიშვნელოვანია ვიდრე ოდესმე, რათა ვიპოვოთ მშვიდობა სამყაროში, რომელიც ისწრაფვის კავშირების დამყარებისკენ, თუმცა ამის მიუხედავად, ფრაგმენტული და დაყოფილია.” მოდერატორმა ნაომი ანტონიუსმა ყურადღება გაამახვილა გაერთიანების აუცილებლობაზე, რომელიც დღეს ისეთი მნიშვნელოვანია როგორც არასდროს. ასევე, სხვადასხვა სესიების დროს, ხაზი გაესვა ჰოლისტიკური მიდგომის აუცილებლობის მნიშვნელობას დღევანდელ მრავალმხრივ კრიზისულ რეალობაში, თავის მხრივ, ამაზე  ასევე ისაუბრა მთავარმა მომხსენებელმა, ჯესიკა დენ აუტერმაც თავის შესავალ სიტყვაში. ჯესიკა 2017 წლიდან არის ჩართული International Rights for Nature მოძრაობაში, არის წიგნის „უფლებები ბუნებისთვის“ ავტორი და ამჟამად არის Rights of Nature Foundation-ის დირექტორი ნიდერლანდებში. 

          
 მოდერატორი ნაომი ანტონიუსი და ტრუპი ჯაინი                                        მთავარი მომხსენებელი ჯესიკა დენ აუტერი

Შთამაგონებელი სიტყვების შემდეგ, სესია დაასრულა ნაომიმ, რომელსაც დამსწრე  ფემინისტებს, კლიმატის აქტივისტების გარემოსდამცველებსა და ახალგაზრდა აქტიურ მოქალაქეებს მოუწოდა მეტი გაეგოთ ეკოფემინიზმის შესახებ და ეფიქრათ შემდეგ კითხვაზე: 

რა სურთ და რა სჭირდებათ ეკოფემინისტებს?

ქალთა გარემოსდაცვითი პროგრამის (WEP) აღმასრულებელ დირექტორს, ენ-მარი აბაგუს, ღონისძიების მსვლელობისას თავისი ენერგიულობის დამსახურებით, „პეპელას“ სტატუსი მიანიჭეს, ვინაიდან ის სხვადასხვა სესიებს შორის “დაფრინავდა” და მისთვის მნიშვნელოვან და განსაკუთრებით საინტერესო თემებს ასახავდა.

გაეცანით WECF-ის ეკოფემინისტურ აქტივობებს  

სესიებს შორის ეკოფემინისტური ფესტივალი სავსე იყო სტუმრებით, რომლებიც ტკბებოდნენ ლათინური მუსიკითა და გემრიელი ვეგანური საჭმლით. ბაზრობაზე წარმოდგენილი იყო ფემინისტური ბიბლიოთეკა ჯესიკა დენ აუტერისა და რალიენ ბეკერსის წიგნებით, სახალისო ფოტო-ჯიხური და ანაბელ ავრილის ფოტოგამოფენა. WECF საფრანგეთის ოფისმა მოაწყო "ეკოფემინისტური ტრივია", რომელის ნაწილიც იყო უზარმაზარი კამათელი და ქილის სროლის თამაში. გერმანიის ოფისის გუნდმა კი,  მონაწილეები მიიწვია თამაშის „Watt a Bingo! Გაიღმავე შენი ცოდნა გენდერულ და ენერგეტიკულ სიღარიბეზე“ სათამაშოდ. WECF-ის ნიდერლანდების გუნდმა წარმოდგინა ე.წ. “ბედის ბორბალი”, რითაც შეისწავლა ხალხის ცოდნა ევროპაში არჩევნების შესახებ. და ბოლოს, საქართველოს ოფისმა ღონისძიების ადგილას ჩაწერა პოდკასტის "ჩემი ხმა ისმის?" ეპიზოდი. 

ინფორმაციული სესიები 

ღონისძიების დღის პირველი სესია დაეთმო თემას შემდეგი სახელწოდებით: „ჩემი ხმა იმის?: დემოკრატია ზეწოლის ქვეშ“. Სესიის ფარგლებში ვისაუბრეთ სხვადასხვა საფრთხეებზე, რომლებსაც სამოქალაქო საზოგადოება, ფემინისტური ორგანიზაციები, ადამიანის უფლებათა, გარემოსდაცვითი აქტივისტები და მარგინალიზებული ადამიანები აწყდებიან და განვიხილეთ, თუ რა შეგვიძლია გავაკეთოთ წინააღმდეგობის გასაწევად და ეკოფემინისტური მოძრაობის მობილიზებისთვის. Ანა მურადაშვილმა, გენდერის მკვლევარმა და უფლებადამცველმა საქართველოდან, ენ-ფლორ დეკერმა, ჰოლანდიური გენდერული პლატფორმის WO=MEN-ის აღმასრულებელმა დირექტორმა და დანიელ ჰირშიმ, ნიდერლანდების პარლამენტის წევრმა და  GroenLinks/PvdA-სა და Both Ends-ის ყოფილმა დირექტორმა, ამ  ძალიან დროულ დისკუსიაში განიხილეს რეგრესული ტენდენციები საქართველოში, ნიდერლანდებში, ევროკავშირში და გლობალურად. პანელისტებმა  ისაუბრეს წინააღმდეგობის მნიშვნელობაზე იმ ანტიგენდერული კამპანიებასთან მიმართებით, რომლებსაც ულტრამემარჯვენე პარტიები, მათ შორის ნიდერლანდებში, და აღნიშნეს ფემინისტური სოლიდარობისა და ფართო ალიანსების შექმნის საჭიროებასა და მნიშვნელობაზე. 

ნიდერლანდების პარლამენტის დეპუტატი დანიელ ჰირში პანელზე საუბრისას

მეორე საინფორმაციო სესიაზე სახელწოდებით „კლიმატის მოძრაობის მომავალი“, დისკუსიის მთავარი საკითხი იყო  გენდერულად მგრძნობიარე კლიმატური გადაწყვეტილებები და რატომ არის აუცილებელი ამ გადაწყვეტილებებში ფემინისტური ჩართულობა? პანელზე ჩვენ ვესაუბრეთ სამ ქალს, რომელთაგანაც თითოეულმა განსხვავებული გზა აირჩია თავიანთ ბრძოლებში კლიმატის გენდერული სამართლიანობისთვის. Ერთ-ერთი მათგანი იყო რალიენ ბეკერსი ავტორი, რომელიც მოწინავეა ნიდერლანდების ფინანსთა სამინისტროში კლიმატის მიმართულებით, ასევე, აგნეს შიმ ვან დერ ლოეფი, კლიმატის მართლმსაჯულების პოლიტიკის მრჩეველი ActionAid ნიდერლანდებიდან და ტრუტი ჯაინი, რომელიც არის Naireeta Services-ის დამფუძნებელი დირექტორი ინდოეთში. ტრუტიმ ყველას, ისევე როგორც ფერმერ ქალებს ინდოეთში,მოუწოდა "არ დაელოდონ" და მიიღონ ზომები კლიმატის ცვლილების წინააღმდეგ.  

და ბოლოს, სესიაზე "საიდუმლო ტოქსინები", საშა გაბიზონმა WECF International-ის აღმასრულებელმა დირექტორი და მარგრიტ მანტინგმა, ნიდერლანდების პესტიციდების სამოქმედო ქსელის თავმჯდომარემ, გამოიკვლიეს თუ რა ტოქსიკურ ნივთიერებებს ვპოულობთ უჩვეულო და არასასურველ ადგილებში. Ტოქსიკური ქიმიკატები ყველგან, სადაც არ უნდა გაიხედოთ: ჩვენს საკვებში, ყვავილების შეკვრაში, თქვენი შვილების სათამაშოებში და სხვა. Სესიიდან გავიგეთ, რომ ამ ტოქსიკურ ნივთიერებების ზემოქმედებამ შეიძლება გამოიწვიოს შეუქცევადი დაავადებები და ამ ტოქსიკური ნივთიერებებიდან ბევრი შედის „სამუდამო ქიმიკატების“ კლასში, რომლებიც თაობიდან თაობას გადაეცემა, გროვდება და ზრდის რისკს.  ბოლოს, ჩვენ განვიხილეთ, თუ რა შეგვიძლია გავაკეთოთ იმისათ ამ ტოქსიკური ნივთიერებების ზემოქმედების თავიდან ასაცილებლად, მაგალითად, პლასტმასისგან თავის არიდებით და შესაძლებლობის ფარგლებში, ადგილობრივი ორგანული ფერმერის მხარდაჭერით. 

"ეკოფემინისტებს სურთ..." ბანერზე მუშაობა

კრეატიული სემინარები 

საინფორმაციო სესიებთან ერთად, გაიმართა რამდენიმე შემოქმედებითი სესია გაიმართა. სიეტა ვან ჰორკი ხელმძღვანელობდა შესანიშნავ სემინარს "შინაგანი აქტივიზმის" შესახებ, რომელიც განკუთვნილი იყო ყველასთვის, ვისაც სურს უფრო ინტენსიურად და ეფექტურად მიიღოს მონაწილეობა ჩვენი სამყაროს გადარჩენაში. მონაწილეებმა მოიპოვეს ემოციებთან გონივრული გამკლავებისთვის საჭირო პრაქტიკული ინსტრუმენტები, ისწავლეს საკუთარი უნიკალური ძალის ამოცნობა და გამოყენება და გამოიკვლიეს თუ როგორ გამოიყენონ საზოგადოების ძალა ეფექტური აქტივიზმისა და მდგრადი ცვლილებებისთვის. მეორე სესიაზე, WECF-ის კოლეგებმა მონაწილეები მოიწვიეს რეფლექსიისთვის და თავიანთი ხმის გასაჟღერებლად სადემონსტრაციო ბანერზე „ეკოფემინისტებს სურთ…“, რომელიც მთელი დღის განმავლობაში შეიქმნა. ბოლოს, ჯეიკე მეიჯერმა მოაწყო "ეკოფემინისტური სიმღერების წერის მასტერკლასი", რომელშიც ჩვენ გამოვიკვლიეთ, თუ როგორ შეიძლება შევავსოთ კრეტიული წერა და სიმღერების ტექსტი მხატვრული და აქტივისტური გზავნილებით, რაც პოლიტიკური სიმღერების ავტორებისგან და ბიონსესაც კი იყო! ჩვენს ეკოფემინისტურ ბაზრობაზე შთამაგონებელი პროგრამის შემდეგ, ჩვენ გავაგრძელეთ ზეიმი ჩვენს ახლო მეგობრებთან, პარტნიორებთან და მოკავშირეებთან ერთად მიღებაზე.

(პროფესიონალური ფოტოები: Josette Egema). 

იხილეთ სტატია ინგლისურად.

by Anna Samwel

ბონის მოლაპარაკებები კლიმატის შესახებ: ძირითადი მოვლენები და უკმაყოფილებები COP29-ის წინ

2024 წლის ივნისში, სახელმწიფოების წარმომადგენლები გერმანიაში, ბონში კლიმატის შესახებ მოლაპარაკებებისთვის შეიკრიბნენ, რაც გაერთიანებული ერების (გაეროს) კლიმატის ცვლილების 29-ე კონფერენციის მოსამზადებელი ნაწილია.  ორგანიზაცია ქალები საერთო მომავლისთვის (WECF) და სხვა პარტნიორები Women and Gender Constituency (WGC)-დან აქტიურად უჭერდნენ მხარს უფრო პროგრესული ენის გამოყენებას. 

ბონში გადაწყვეტილების მიღების პროცესი ნელი ტემპით, საკვანძო საკითხების ზედაპირული განხილვით შემოიფარგლებოდა. ბოლო დროს არსებული ბრალდებები აზერბაიჯანის, COP29-ის მასპინძლის, მიმართ ხაზს უსვამს გამჭვირვალობისა და ინკლუზიურობის აუცილებლობას. სამოქალაქო საზოგადოებამ, მათ შორის WECF-მა, შეშფოთება გამოთქვა COP29-თან და მიმდინარე მოლაპარაკებებთან დაკავშირებით. აღსანიშნავია, რომ ჩვენ დაუყოვნებლივ გვჭირდება უფრო პროგრესული ვალდებულებები.

The Women & Gender Constituency ქვეყნებს მეტი ამბიციურობისკენ მოუწოდებს 

SB60 პირველ დღეს, The Women & Gender Constituency-ის (WGC) სახელით მნიშვნელოვანი გამოსვლა ჰქონდა ვალერია პელაეს კარდონას. მან მოუწოდა მთავრობებს, დაიცვან კლიმატის დაფინანსების ამბიციური „ახალი კოლექტიური რაოდენობრივი მიზანი (NCQG)“. მან ხაზგასმით აღნიშნა გაზრდილი, წინასწარ გათვლილი დაფინანსების აუცილებლობაც, რომელიც ორიენტირებული იქნება ადამიანის უფლებებსა და გენდერულად ტრანსფორმაციული კლიმატის ქმედებებზე, რაც აუცილებელია სამართლიანი ტრანსფორმაციისთვის, რომელიც დაფუძნებულია ზრუნვის, რასობრივი და თაობათაშორისი სამართლიანობის პრინციპებზე, იხილეთ ვიდეო.

ვალერია პელაეს კარდონა სიტყვით გამოსვლის დროს. 

წიაღისეული საწვავის შესახებ მყარი პოზიციის ქონის საჭიროება

დისკუსიები გლობალური საფონდო შეთანხმების (GST) შესახებ უნდა მოიცავდეს შესაბამის ენობრივ მოცემულობებს წიაღისეული საწვავის ეტაპობრივი გამორიცხვის, განახლებადი ენერგიის გასამმაგებისა და ენერგოეფექტურობის გაორმაგების შესახებ. თუმცა, განხილვები ყოველწლიური შეფასების კრიტერიუმებს უგულვებელჰყოფდა, გვერდს უვლიდა და არ იძლეოდა საშუალებას დისკუსიები სამართლიანი გადანაწილების და ადგილობრივი თემების, ქალების, გენდერულად არაკონფორმულიინდივიდებისა და მკვიდრი (ადგილობრივი) ხალხის ჩართულობით წარმართულიყო.

ფემინიზმი საჭიროა სამართლიანი ტრანზიციისთვის

WGC იმედგაცრუებულია SB60 მოლაპარაკებებით „სამართლიანი გარდაქმნის სამუშაო პროგრამის“ შესახებ. სამუშაო ვერსიის განხილვის გადადება COP29-სთვის, ბაქოში, ფეხქვეშ თელავს პროგრესს COP28-დან. ამჟამინდელ სამუშაო მონახაზს აკლია  ზუსტი  ვადები, გამჭვირვალობა და ანგარიშვალდებულება. ეს ნაბიჯი კრიტიკული კლიმატის სამართიანობის ინიციატივების წინსვლის ნაცვლად, უკან დახევის შემაშფოთებელ ტენდენციას ასახავს. ის ასევე უგულებელყოფს საერთაშორისო თანამშრომლობას. გენდერულად ტრანსფორმაციული მიდგომა არსებითად მნიშვნელოვანია, რადგან ის მოიცავს შინ და ზრუნვის შრომას და აცნობიერებს ქალთა და გენდერულად არაკონფორმული ადამიანების წვლილს.

კლიმატის უკეთესი დაფინანსების მოთხოვნა

კლიმატის დაფინანსება მილიარდებიდან უნდა გაიზარდოს ტრილიონამდე, იმისთვის რომ შესაბამისი სამუშაოები გატარდეს მიტიგაციის (მზადყოფნის ამაღლების და მოწყვლადობის შემცირების), ადაპტაციისა და ზარალისა და ზიანის შემცირებისთვის გლობალური ჩრდილოეთიდან გლობალურ სამხრეთამდე. ჩვენ გვესაჭიროება პირდაპირი, სამართლიანი და გენდერულად მგრძნობიარე დაფინანსება, მაგრამ ქვეყნები თავს არიდებდნენ სახელმწიფო დაფინანსების ან გრანტების ვალდებულებას. დისკუსიები ასევე შეეხო ტექნოლოგიური და ფინანსური მექანიზმის დაკავშირებას. ჩვენ მხარს ვუჭერდით გენდერული და მკვიდრი მოსახლეობების ცოდნის კლიმატის პოლიტიკებში დანერგვას, რათა უზრყნველყოფილი იყოს წინა ხაზზე მყოფი თემების ჩართულობა და შესაძლებლობა, განავითარონ კლიმატის შესახებ არსებული გადაწყვეტილებები.

მოლაპარაკებები გენდერის შესახებ შემაწუხებლად ნელია 

გენდერის შესახებ მოლაპარაკებების დაწყებამდე, ჩართული მხარეები დავესწრით 3 დღიან ვოქრშოფს, რათა განგვეხილა გენდერული სამოქმედო გეგმის (GAP) პროგრესი და სამომავლო გეგმები. ამის მიუხედავად, ლიმას განახლებულ სამუშაო პროგრამაზე (LWP) მოლაპარაკებები გენდერულ საკითხებზე სწრაფად ჩაიკარგა პროცედურულ და ტექნიკურ საკითხებში. Women and Gender Constituency-მა გამოაქვეყნა განცხადება, რომელშიც მხარეებს მოუწოდებდა ეფექტურად  ემოქმედათ SB60-ის ბოლო დღეებში. რებეკა ჰეუველმანსმა ხაზგასმით აღნიშნა: „გამოიყენეთ შესაძლებლობა დადგეთ მათ გვერდით, ვინც კლიმატის კრიზისის მძიმე ტვირთს ატარებს, ერთობლივად მუშაობით ძლიერი LWP-ისა და GAP-ისკენ“. მოლაპარაკებები COP29-ზე ბაქოში გაგრძელდება, სადაც ბევრი სამუშაო იქნება საჭირო ძლიერი და ამბიციური LWP-ისა და GAP-ის უზრუნველსაყოფად. Women and Gender Constituency-ის ძირითადი მოსაზრებებისა და მოთხოვნების, ახალი LWP-ისა და GAP-ის შესახებ გასაგებად, გაეცანით ოფიციალურ განცხადებას.

შეხვედრა აზერბაიჯანის ახალ, უმაღლესი დონის ჩემპიონთან

WGC შეხვდა უმაღლესი დონის კლიმატის ჩემპიონებს არაბთა გაერთიანებული საამიროებიდან და აზერბაიჯანიდან. WECF-ის დირექტორმა საშა გაბიზონმა ხაზი გაუსვა WECF-ის  ტრენინგს გენდერისა და კლიმატის შესახებ კავკასიაში და გენდერის საკითხისადმი პრიორიტეტის მინიჭების მნიშვნელობაზე ყველა სახის მოლაპარაკებებში. მიში სინგანომ, WGC-ის წამყვანმა პოლიტიკის კოორდინატორმა, მოუწოდა COP29-ს, ფოკუსირდეს არა მხოლოდ ფინანსებზე, არამედ გენდერზეც და ხაზი გაუსვა გენდერული თანასწორობის უმაღლეს დონეზე არსებობას, როგორც მთავარ პრიორიტეტს.

კონკრეტული ღონისძიებები ფემინისტური და ადამიანის უფლებების პრიორიტეტებისთვის

ჩვენ ვისაუბრეთ გენდერულ და კლიმატურ სამართლიანობაზე არა მხოლოდ მოლაპარაკებების ოთახებში, არამედ საკონფერენციო სივრცის მიღმაც და Women and Gender Constituency-თან და სხვა მხარეებთან ერთად სხვადასხვა აქტივოებებში ჩავერთეთ. 

უთხარით არა გამანადგურებელ გადაწყვეტილებებს

გარემოსდაცვითი სამოქმედო ჯგუფებთან, ადგილობრივ ხალხებთან და ახალგაზრდებთან ერთად, ხაზი გავუსვით იმ „ყალბ გადაწყვეტილებებს“, რომლებიც კლიმატის მოლაპარაკებებში კორპორაციული ინტერესებს უწყობენ ხელს. საშიშ ტენდენციას წარმოადგენს სამრეწველო ბიომასის პლანტაციები, რომლებიც ართმევენ მიწებს ადგილობრივ მოსახლეობას და ზიანს აყენებენ ბიომრავალფეროვნებას. ჩვენ ასევე ვისაუბრეთ ბირთვული ენერგიის გარშემო არსებულ მითებზე, მის არაეკოლოგიურ ბუნებასა და უსამართლო ბუნებაზე. ურანის მოპოვება, უპირველეს ყოვლისა, ადგილობრივი მოსახლეობის მიწებზე, ზიანს აყენებს ადგილობრივი თემების ჯანმრთელობას, წყალს და გარემოს. ბირთვული ენერგია ძალიან გაწელილი, ძვირი და სარისკოა. განახლებად ენერგიაში ჩადებული იგივე ინვესტიციები საშუალებას მოგვცემდა დაუყოვნებელ, იაფ გადაწყვეტილებებს რადიოაქტიური დაბინძურების საფრთხის გარეშე. ჩვენ მხარს ვუჭერთ რეალურ გადაწყვეტილების მექანიზმებს, და "რეალური ნულის" პოლიტიკას, ნაცვლად "სრული ნულისა".

ღონისძიება ბირთვულ ენერგიის წინააღმდეგ ბონის საკონფერენციო ცენტრში

შეწყვიტეთ გენოციდის დაფინანსება

აქტივისტებმა, ახალგაზრდებმა, ორგანიზაციებმა და გაერთიანებებმა გაეროს მოლაპარაკებების წინ გამართეს საპროტესტო აქცია "შეწყვიტეთ გენოციდის დაფინანსება - არა დიდი დამაბინძურებლებს". წიაღისეული საწვავი აძლიერებს არა მხოლოდ კლიმატის კრიზისს, არამედ მილიტარიზმსა და ძალადობას. ჩვენ სოლიდარობა გამოვხატეთ პალესტინის, კონგოს და სუდანის მიმართ და ხაზი გავუსვით წიაღისეულ საწვავსა და კონფლიქტს შორის არსებულ კავშირს. გადახედეთ მშვიდობისა და დემილიტარიზაციის სამუშაო ჯგუფის ახალ გამოცემას, WGC-ის ორგანიზებით.

კლიმატის სამართლიანობა შეუძლებელია ადამიანის უფლებების გარეშე

სამოქალაქო საზოგადოების, ეკოფემინისტი აქტივისტების და უფლებადამცველთა მხარდამჭერი აქცია-პერფორმანსი გაიმართა ბონში, რაც პასუხია მათდამი გამოყენებულ ხელისშემშლელ და სადამსჯელო ქმედებებზე.  დაპატიმრებული აქტივისტების გამოსვლები ხაზს უსვამს მათი გათავისუფლების (#FreeThemAll) აუცილებლობას. სამოქალაქო საზოგადოების ორგანიზაციები (CSO-ები) გადამწყვეტ როლს ასრულებენ კლიმატის და გენდერული პოლიტიკის ეფექტიანად განხორციელების უზრუნველსაყოფად. თუმცა, ამ ორგანიზაციებზე განხორციელებული წნეხი ძირს უთხრის ამ ძალისხმევას. კავკასიაში და მის ფარგლებს გარეთ, სამოქალაქო საზოგადოების ორგანიზაციები სამთავრობო პოლიტიკით გამოწვეულ  დანაკლისს ავსებენ და შესაბამის სერვისებს სთავაზობენ მათ, ვინც ყველაზე მეტად ზარალდება კლიმატის ცვლილების, გენდერული უთანასწორობის თუ სხვა ჩაგვრების გამო. სამოქალაქო საზოგადოების ორგანიზაციების მუშაობა სასიცოცხლოდ მნიშვნელოვანია კლიმატის და გენდერული სამართლიანობის მისაღწევად.

ღონისძიება ადამიანებთა უფლებების შესახებ

იხილეთ სტატია ინგლისურად.

by Anna Samwel

მიიღეთ მონაწილეობა კონკურსში გენდერულად სამართლიანი ეკოლოგიური ინიციატივებისთვის!

ორგანიზაცია “ქალები საერთო მომავლისთვის” საერთაშორისო ოფისი Women and Gender Constituency (WGC)-სთან ერთად, აცხადებს აპლიკაციების მიღებას გენდერულად სამართლიანი ეკოლოგიური ინიციატივებისთვის ყოველწლიური პრიზის მოსაპოვებლად! 

(აპლიკაციის შევსება შეგიძლიათ ფრანგულ, ინგლისურ, ესპანურ ან არაბულ ენებზე, აღნისნული გვერდის ბოლოში მოცემულ ბმულზე) 

 პრიზი გენდერულად სამართლიანი ეკოლოგიური ინიციატივებისთვის ყოველწლიურად ენიჭება მოძრაობებს, სათემო ჯგუფებს და არასამთავრობო ორგანიზაციებს, რომლებიც მუშაობენ გარემოსდაცვით საკითხებზე და ამავდროულად, ხელს უწყობენ მიდგომების ინტეგრირებას კლიმატის ცვლილებებთან ბრძოლის პროცესში. მსგავსი ინიციატივები გავლენას ახდენენ საზოგადოებივ აზრზე და გარემოსდაცვით სფეროში სისტემურ მიდგომებზე, რასაც შედეგად მოაქვს სოციალური და გარემოს გაუმჯობესება. ამგვარი ინიციატივების წახალისება ხელს უწყობს 2030 წლამდე გლობალური დათბობის 1,5 გრადუსიანი ნიშნულის მიზანს, რომელიც გაეროს მიერ არის განსაზღვრული. 

გამარჯვებული ინიციატივები წარმოდგენილია სამი სხვადასხვა პროექტის კატეგორიაში: 

• ტექნიკური – გენდერული პასუხისმგებლობის მქონე გარემოსდაცვითი ინიციატივები, რომლებიც ორიენტირებულია ტექნოლოგიებზე, მაგალითად, წყალზე, რეგენერაციაზე, საკვების წარმოებაზე ან ტრანსფორმაციაზე, ციფრულ ტრანსფორმაციაზე, ნარჩენების შემცირებაზე და ა.შ. 
• არატექნიკური - გენდერული პასუხისმგებლობის მქონე გარემოსდაცვითი ინიციატივები, რომლებიც ორიენტირებულია ქცევის ცვლილებაზე, ურთიერთგანათლებაზე, უნარების გაზიარებაზე, შესაძლებლობების გაძლიერებაზე და ა.შ. 
• ტრანსფორმაციული – გენდერული პასუხისმგებლობის მქონე გარემოსდაცვითი ინიციატივები, რომლებიც ორიენტირებულია მმართველობის, ინსტიტუციური/საზოგადოებრივი ცვლილებებზე და ა.შ. 

 თითოეული გამარჯვებული მიიღებს ფულად ჯილდოს 5,000 ევროს ოდენობით და შესაძლებლობას დაესწროს გაეროს კლიმატის ცვლილების კონფერენციას (COP29), რომელიც ჩატარდება ბაქოში, აზერბაიჯანში. პრიზი სრულად დაფარავს მოგზაურობას და ასევე, გამარჯვებული ჩაერთვება WECF-ის გრძელვადიან სწავლების პროგრამაში, რომელიც მხარს უჭერს წამყვან ინიციატივებს გაძლიერებასა და ზრდაში. 20-მდე ნომინანტის პროექტი წარმოდგენილი იქნება პრიზის პუბლიკაციაში, ჩვენს ონლაინ პლატფორმებზე და დაჯილდოების ცერემონიაზე COP-ზე. ჯილდოს მიზანია აჩვენოს და წაახალისოს ინიციატივები სამართლიანი, თანასწორუფლებიანი და ჯანსაღი გარემოსთვის. 

თუ თქვენი სამუშაო უკავშირდება გარემოსდაცვით და გენდერულ სამართლიანობას, გამოაგზავნეთ აპლიკაცია! 

 ჩვენ მხარს ვუჭერთ სახალხო მოძრაობებს, ორგანიზაციებს ქალთა ხელმძღვანელობით და ლგბტქი+ ორგანიზაციებს გლობალური სამხრეთიდან და გლობალური აღმოსავლეთიდან კონკურსში მონაწილეობისთვის. 

განაცხადის გაგზავნის ბოლო ვადაა 2024 წლის 21 ივლისი, 23:59 (CEST - ცენტრალური ევროპის დრო). 

 განაცხადის გამოგზავნა შეგიძლიათ შემდეგ ბმულზე. 

გთხოვთ გაითვალისწინოთ, რომ მონაწილეობის მისაღებად უნდა შეავსოთ სააპლიკაციო ფორმა. განაცხადის პროცესთან დაკავშირებით არსებული კითხვების შემთხვევაში, გთხოვთ, დაგვიკავშირდეთ შემდეგ ელ. ფოსტაზე: valeria.pelaez@wecf.org 

ასევე, ნებისმიერი კითხვისა თუ დახმარების შემთხვევაში (მათ შორის, ენის ბარიერთან დაკავშირებით), გთხოვთ, დაგვიკავშირდეთ: georgia@wecf.org 

კონკურსი ტარდება CTCN-თან პარტნიორობით და მხარს უჭერს: 

by Anna Samwel

WECF საქართველოს განცხადება მიმდინარე მოვლენებზე

*FOR ENGLISH SCROLL DOWN*

14 მაისს საქართველოს პარლამენტის უმრავლესობის წევრებმა ქართველი ხალხის ეროვნული ინტერესებისა და კონსტიტუციის საწინააღმდეგო რუსული კანონი მესამე მოსმენით მიიღეს, ხოლო 18 მაისს საქართველოს პრეზიდენტმა, სალომე ზურაბიშვილმა აღნიშნულ კანონს ვეტო დაადო. 

სრულად ვიზიარებთ საქართველოს პრეზიდენტის პოზიციას, რომ ამ კანონის გაუმჯობესება შეუძლებელია და ევროკომისიის განცხადებას, რომლის თანახმად კანონი გაწვეულ უნდა იქნას. კანონი აღარ არის მხოლოდ სამართლებრივი ტექსტი, არამედ ჯერ კიდევ მის მიღებამდე გადაიქცა ხელისუფლების ხალხზე ძალადობის, დაშინების ბერკეტად, რისი მოწმეებიც ვართ უკანასკნელი კვირების განმავლობაში.

სხვა არაერთ სამოქალაქო საზოგადოების ორგანიზაციასთან ერთად, კიდევ ერთხელ ვაფიქსირებთ ჩვენს პოზიციას, რომლითაც უარს ვამბობთ ხელისუფლების წარმომადგენლებთან ერთად შეხვედრებში მონაწილეობაზე; სამუშაო ჯგუფებსა და მრჩეველთა საბჭოებში მუშაობაზე და საერთაშორისო თუ სხვა სამუშაო ფორმატებში ხელისუფლებასთან კოორდინაციაზე, სანამ აღნიშნული არაკონსტიტუციური კანონი არ იქნება გაწვეული. ასევე, უარს ვაცხადებთ დავრეგისტრირდეთ ღირსების შემლახავ რეესტრში, რომელსაც აღნიშნული კანონი ითვალისწინებს.

ბოლო კვირების განმავლობაში ევროკავშირის არაერთმა ლიდერმა ღიად ისაუბრა რუსული კანონის შეუსაბამობაზე ევროპულ ღირებულებებთან და საქართველოს ევროინტეგრაციის გეზთან. მოვუწოდებთ საქართველოს მთავრობას არ წავიდეს ქართველი ხალხის ნების წინააღმდეგ და არ დაძლიოს პრეზიდენტის ვეტო, რაც იქნება ერთადერთი სწორი გადაწყვეტილება ქვეყნის სტაბილურობისა და მისი ევროპული მომავლისთვის.

-

On May 14, the majority of the Parliament of Georgia adopted a Russian law that contradicts the national interests and the constitution of Georgia with the third reading. On May 18, the President of Georgia, Salome Zurabishvili, vetoed this law.

We fully support the position of the President of Georgia that this law is beyond improvement and agree with the European Commission's statement that the law should be withdrawn. This law has ceased to be merely a legal text; even before its adoption, it became a tool for government violence and intimidation against the people, as we have witnessed in recent weeks.

Along with many other civil society organizations, we reiterate our stance: we refuse to participate in meetings with government representatives, work in working groups and advisory councils, or coordinate with the government in international or other formats until this unconstitutional law is repealed. Additionally, we refuse to register in the regrading registry mandated by this law.

In recent weeks, numerous EU leaders have openly criticized the law's incompatibility with European values and Georgia's path to European integration. We call on the Georgian government to respect the will of the Georgian people and uphold the president's veto. This is the only correct decision for the stability of the country and its European future.

by Anna Samwel

WECF-ის საერთაშორისო ოფისი "რუსული კანონის" მიღებას ეხმიანება

WECF-ის საერთაშორისო ოფისი სოლიდარობას უცხადებს აქციის მონაწილეებს საქართველოში - მათ შორის, ჩვენს მამაც კოლეგებსა და პარტნიორ ორგანიზაციებს.

გუშინ საქართველოს მთავრობამ მიიღო „უცხოური გავლენის გამჭვირვალობის შესახებ“, რომელიც შემაშფოთებელად ჰგავს თავისი შინაარსით რუსეთის კანონის უცხოური აგენტების შესახებ. ჩვენ ღრმად შეშფოთებულები ვართ მოვლენების ამგვარი განვითარებით.

„ჩვენ უშუალოდ დავინახეთ ასეთი კანონების დამანგრეველი გავლენა რუსეთის სამოქალაქო საზოგადოების ჩამოშლისას. ჩვენ თავშესაფარი და მხარდაჭერა გავუწიეთ ჩვენს ეკოფემინისტ პარტნიორებს რუსეთიდან, რომლებიც სიცოცხლისთვის საშიშ საფრთხს საქართველოში გაექცნენ", ამბობს WECF საქართველოს დირექტორი ანა სამველი.

 ფოტო: ვახო ქარელი / მედია "აპრილი"

ანა მურადაშვილი WECF საქართველოდან მიმდინარე აქციებში მონაწილეობს და გვიზიარებს: „ეს არ არის სამოქალაქო ორგანიზაციების ბრძოლა. ეს არის საქართველოს ბრძოლა ევროპული ღირებულებებისა და ადამიანის უფლებების დასაცავად. ჩვენ აქციებზე ყველა ადამიანის უფლებების დასაცავად, მათ შორის ქალების, ქვიარ ადამიანების, ეთნიკური უმცირესობების, შშმ პირების, მიგრანტების, ახალგაზრდების, მოხუცების სახელით. ეს არის ბრძოლა ყველასთვის და ყველასთან ერთად. ”

"ჩვენ უკიდურესად შეშფოთებული ვართ თავისუფლების იდეეის ერთგული ქართველი ხალხის, ჩვენი სამოქალაქო საზოგადოების პარტნიორი ორგანიზაციებისა და ჩვენი საქართველოს ოფისის მომავლით, ამ ბარბაროსული კანონის დამტკიცების პირობებში", საშა გაბიზონი, WECF საერთაშორისო ოფისის აღმასრულებელი დირექტორი.

                                  ფოტო: რადიო თავისუფლება

კანონი ავალდებულებს სამოქალაქო საზოგადოებრივ ორგანიზაციებსა და „თავისუფალ მედია ორგანიზაციებს“ დარეგისტრირდნენ „უცხო ძალის ინტერესების გამტარ ორგანიზაციებად”, რაც მათ მძიმე რეპრესიების საფრთხის წინაშე აყენებს.

მთავრობამ უკვე დაიწყო დაშინების, აქტივისტებზე თავდასხმისა და მშვიდობიანი მომიტინგეებზე ძალადობის კამპანია.

ეს კანონი მნიშვნელოვან საფრთხეს უქმნის საქართველოს ევროინტეგრაციას და დემოკრატიას.

"ქალები საერთო მომავლისთვის" საერთაშორისო ოფისი მხარდაჭერას უცხადებს ქართველ ხალხს მდგრადი, თანასწორი, სამართლიანი და დემოკრატიული მომავლისკენ სწრაფვაში.

იხილეთ განცხადების ორიგინალი ტექსტი.

by Anna Samwel

პროექტ SENSE-ის კონსორციუმის განცხადება "რუსულ კანონთან" დაკავშირებით

*FOR ENGLISH SCROLL DOWN*

გასულ კვირას ჩვენი ორგანიზაციის წევრები რუმინეთში, ბუქარესტში პროექტ SENSE-ის შეხვედრაზე იმყოფებოდნენ. შეხვედრაზე განხილულ იქნა პროექტთან დაკავშირებული არაერთი საინტერესო თემა და მომავალო გეგმები. საუბარი ასევე შეეხო ე.წ. “რუსული კანონის” მიღებას საქართველოში. 

გთავაზობთ SENSE-ის კონსორციუმის წერილს ქართულ ენაზე უცვლელად:

“პროექტ SENSE-ის კონსორციუმი სოლიდარულია ქართველი ხალხის მიმართ, რომელიც უკვე მეორე კვირაა უცხოელი აგენტების შესახებ შემოთავაზებული კანონის წინააღმდეგ საპროტესტო აქციებს მართავს. ამოქმედების შემთხვევაში, აღნიშნული კანონი სერიოზულ საფრთხეს უქმნის საქართველოში დემოკრატიისა და გამოხატვის თავისუფლების ფუნდამენტურ პრინციპებს.

საქართველოს პარლამენტის გადაწყვეტილება ამ უაღრესად საკამათო კანონის მიღების შესახებ, რომელიც რუსული კანონმდებლობის ანალოგს წარმოადგენს, ღრმად შემაშფოთებელია. მოთხოვნა, რომელის მიხედვითაც მედიისა და არაკომერციულ ორგანიზაციებს, რომლებიც დამიფნანსების 20%-ზე მეტს იღებენ სხვა ქვეყნიდან, მოეთხოვებათ დარეგისტრირდნენ უცხოური გავლენის ქვეშ მყოფ ძალებად, არა მხოლოდ ცდილობს დამოუკიდებელი ხმების გაჩუმებას, არამედ ძირს უთხრის საქართველოს მისწრაფებას გახდეს ევროკავშირის წევრი ქვეყანა.

მეტიც, ეს პირდაპირ საფრთხეს უქმნის განათლებისა და ინოვაციების მომავალს საქართველოში. როგორც კონსორციუმი, რომელიც პროექტ SENSE-ის მეშვეობით ცდილობს STEAM განათლების განვითარებას, ჩვენ ვაღიარებთ გადამწყვეტ როლს, რომელსაც გამოხატვის თავისუფლება და აკადემიური დამოუკიდებლობა ინოვაციებისა და პროგრესის ხელშეწყობაში თამაშობს. ამ კანონის მიღების შემთხვევაში, ჩვენი კონსორციუმის წევრი ორგანიზაცია “ქალების საერთო მომავლისთვის (WECF) - საქართველო” უშუალოდ დაზარალდება და შეფერხდება აკადემიური თანამშრომლობისა და ცოდნის გაცვლის პროცესი, რაც პირდაპირ ხელს შეუშლის ჩვენი საერთო მიზნების განხორციელებას.

საქართველოს ხალხისადმი სოლიდარობის ნიშნად, პროექტ SENSE-ის კონსორციუმი კიდევ ერთხელ ადასტურებს დემოკრატიის, თავისუფლებისა და განათლების მნიშვნელობას ძლიერი და პროგრესული საზოგადოების შესაქმნელად”.

-

Last week, members of our organization attended the SENSE project meeting in Bucharest, Romania. Several intriguing topics related to the project and future plans were discussed during the meeting. The conversation also addressed the adoption of so-called "Russian law" in Georgia. 

See the statement of SENSE consortium here.

by Anna Samwel

Yes – To Europe, No – To Russian Law!

We, the Georgian media and non-governmental organizations, vehemently oppose the Russian law reintroduced by the authorities. “Georgian Dream” breaking its own word and deceiving people is directed not only against Georgian media and Georgian non-governmental organizations but also against every citizen and the European future of Georgia.

Georgian non-governmental organizations help people. Passing this Russian law will leave children and women victims of violence vulnerable; persons with disabilities, scientists, workers, and young people; It will stop helping vulnerable families, farmers, displaced, homeless persons, and brave people fighting for their rights. The government wants to not cover the voice of people living in the regions, who inform the public about their plight through local, independent media.

These and the hostile laws introduced this week aim to divide the population, damage the country’s European future, and abolish freedom of speech. This is the government’s response to the hundreds of facts of violence, corruption, illegality, and discrimination that Georgian non-governmental organizations and independent media expose and publicize.

The European Union, the United Nations, NATO, the OSCE, the USA, and other international partners have declared the authoritarian character of the Russian law and its incompatibility with democracy, and after the recall of the law last year, they openly congratulated the Georgian people on their great victory.

This law is a Russian authoritarian tool to suppress freedom of speech. Its adoption will make it impossible to open negotiations with the EU at the end of the year. Instead of fulfilling the 9 steps defined by the European Union, the government, with this law, separates us from the European Union and immeasurably harms the democratic and secure future of Georgia.

Accepting the Russian law would be an attack on the main Georgian values – a sense of dignity, independence, and civil solidarity. This law, in accordance with the will of the Georgian people, should be withdrawn from the parliament. Russian law is not Georgia’s choice!

Signators:

1. ააიპ „თავისუფალ ჟურნალისტთა სახლი“
2. ააიპ რაჭის ტურისტული კლუბი
3. ააიპ სასოფლო-საკონსულტაციო სამსახური
4. ააიპ სტუდენტები ევროპული მომავლისთვის
5. ააიპ ღია საზღვრები
6. ააიპ შეხვედრის ადგილი დმანისი
7. ააიპ ” დავიწყოთ ახლა”
8. ააიპ ” საქართველოს ბავშვები”
9. ააიპ არაფორმალური განათლების ახალგაზრდული ცენტრი “მზიანი სახლი”
10. ააიპ დრანდა
11. ააიპ ილია ჭავჭავაძის საქველმოქმედო ფონდი
12. ააიპ იმერეთის განვითარების ცენტრი
13. ააიპ ნიკოს ეზო
14. ააიპ პირველი მაისის ახალგაზრდული ცენტრი
15. ააიპ რაჭის სათემო ორგანიზაცია
16. ააიპ საზოგადოებრუვი და შემოქმედებითი გაერთიანება ,,ეროვნული იმპერატივი”
17. ააიპ ტოლერანტობის სამყარო
18. ააიპ ფორსეტი
19. ააიპ ქალთა და შშმ პირთა მხარდამჭერი ცენტრი ილაპარაკე”
20. ააიპ. გარემოსდაცვითი პოლიტიკისა და განათლების ცენტრი
21. აგვისტოს ომის მუზეუმი, ერგნეთი
22. ადამიანის უფლებათა ცენტრი (HRC)
23. ადამიანის უფლებების ადვოკატირების და დემოკრატიის ფონდი
24. ადამიანის უფლებების განვითარების ფონდი
25. აინ რენდის ცენტრი საქართველო
26. აიპ მართლმსაჯულების სახლი
27. ალგეთის სათემო ცენტრი
28. ალტერნატივა ჯორჯია
29. არასამთავრებო ორგანიზაცია ,,Neogeni”
30. არასამთავრობო ორგანიზაცია “დაეხმარე და გაახარე”
31. ასოციაცია “ხელოვნება საზოგადოებრივი ინტერესებისთვის”
32. ასოციაცია “სოციალური ქოლგა”
33. ასოციაცია “ქალები რეგიონების განვითარებისათვის”
34. ასოციაცია დეა
35. ასოციაცია მერკური
36. ასოციაცია უდი
37. აფხაზური ამბები
38. აღმამედლოს სათემო ცენტრი
39. აღმოსავლეთ ევროპის ცენტრი მრავალპარტიული დემოკრატიისთვის (EECMD)
40. აცალგაზრდები სამეგრელოს განვითარებისთვის
41. აჭარის რეგიონული თემი
42. ახალგაზრდა ფემინისტები
43. ახალგაზრდები დემოკრატიული ცვლილებებისთვის
44. ახალგაზრდების და ზრდასრულთა განვითარების ასოციაცია
45. ახალგაზრდობის განვითარების ცენტრი – XXI
46. ახალგაზრდობის და განათლების ცენტრი
47. ახალგაზრდული CCG
48. ახალგაზრდული ჰაბი
49. ახალი აზროვნების ინსტიტუტი
50. ახალსოფლის ახალგაზრდული ცენტრი
51. ახალქალაქის ბიზნეს ცენტრი
52. ახალციხის ახალგაზრდული ცენტრი
53. ახალციხის დემოკრატიული ჩართულობის ცენტრი
54. ახმეტის ახალგაზრდული ალიანსი
55. ბავშვთა კეთილდღეობის ლიგა
56. ბავშვთა მენტალური ჯანმრთელობის საქართველოს ასოციაცია
57. ბავშვის თეატრი “ბიზ”
58. “ბათუმელები”
59. ბათუმის დამოუკიდებელი ცხოვრების ცენტრი
60. ბათუმის ველომოყვარულთა ქსელი
61. ბოლნისის ენის სახლი
62. ბოძაურის საინიციატივო ჯგუფი
63. გაზეთი “იენი იოლი”
64. გამომძიებელ ჟურნალისტთა გაერთიანება “აი, ფაქტი”
65. განათლება და სამყარო
66. განათლების კოალიცია
67. განათლებისა და განვითარების სივრცე
68. განვითარების, განათლებისა და სოციალური ჩართულობის ასოციცია (ADESI)
69. განვითარებისა და დემოკრატიის ცენტრი (CDD)
70. განვითარებისა და ჩართულობის პლატფორმა
71. გარემოსდაცვითი პოლიტიკისა და განათლების ცენტრი
72. გარემოსდაცვითი სათემო ორგანიზაცია ” ეკო”.
73. გეოპოლიტიკური კვლევების საერთაშორისო ცენტრი
74. გერგარტი
75. გლობალური ინიციატივა ფსიქიატრიაში
76. გორელ ფოტოგრაფთა კლუბი
77. გორის სათემო რადიო მოზაიკა
78. გრენა – საქართველოს სამეცნიერო-საგანმანათლებლო კომპიუტერული ქსელების ასოციაცია
79. გუთურის საჯარო სკოლა
80. გუნდელიკ
81. გურიის სამოქალაქო ცენტრი
82. დასაქმების და გადამზადების ცენტრი
83. დედების სივრცე’
84. დემოკრატ მესხთა კავშირი
85. დემოკრატიის ინსტიტუტი
86. დემოკრატიის კვლევის ინსტიტუტი (DRI)
87. დემოკრატიის ლაბორატორია
88. დემოკრატიის მცველები
89. დემოკრატიისა და მართლმსაჯულების ინსტიტუტი
90. დემოკრატიული უსაფრთხოების ინსტიტუტი
91. დემოკრატიული ჩართულობის ცენტრების ქსელი
92. დემოკრატიული ჩართულობის ცენტრების ქსელის ბათუმის ოფისი
93. დიმელი ქალები
94. დიღმის ჭალები
95. დოკუმენტური კინოს ასოციაცია
96. ევანგელურ-ბაპტისტური ეკლესია
97. ევროპა შინ
98. ევროპის ფონდი
99. ევროპულ-ქართული ინსტიტუტი (EGI)
100. ეზოტოპია
101. ეკო ცენტრი
102. ეკონომიკური პოლიტიკის კვლევის ცენტრი (EPRC)
103. ვი2თექ ჯორჯია
104. ზემო სვანეთის ადგილობრივი განვითარების ჯგუფი.LAG-Upper svaneti
105. ზიანის შემცირების საქართველოს ქსელი
106. ზუგდიდის დამოუკიდებელი ცხოვრების ცენტრი
107. ზუგდიდის დემოკრატიული ჩართულობის ცენტრი
108. თავისუფალი ასოციაცია
109. თანაბარი ჩართულობის შესაძლებლობის ცენტრი EPC
110. თანამშრომლობა რეგიონის მდგრადი განვითარებისთვის
111. თანასწორობის მოძრაობა
112. თაობათა გაძლიერების ქსელი (GEN)
113. თბილისი პრაიდი
114. თბილისის ადამიანის უფლებათა სახლი
115. თეთრიწყაროს ახალგაზრდული ცენტრი
116. თელავის გენდერის მედიაცენტრი
117. თელავის დემოკრატიის სკოლა
118. თემი ქედელი
119. იგპ ქალთა ასოციაცია თანხმობა
120. ილიას სამართლის სახლი (ილიასი)
121. ინდიგო
122. ინერ ჯორჯია
123. ინიციატივა სოციალური ცვლილებებისთვის
124. ინოვაციებისა და რეფორმების ცენტრი
125. ინოვაციებისა და ცვლილებების ინსტიტუტი
126. ინფორმაციის თავისუფლების განვითარების ინსტიტუტი (IDFI)
127. იორმუღანლოს სათემო ცენტრი
128. იპოდრომი-უბეტონო მხარე
129. ირის ჯგუფი- მრავალფეროვნების მართვა
130. იურიდიული განათლების ხელშეწყობის ფონდი
131. კავკასიის ეკომეწარმეთა ასოციაცია (CEA)
132. კავკასიის მთიანი რეგიონების მდგრადი განვითარების ქსელი – მდგრადი კავკასია
133. კავკასიური დიალოგი
134. კავშირი ფრეია
135. კანონის უზენაესობის ცენტრი
136. კახეთის რეგიონული განვითარების ფონდი
137. კვლევითი ინსტიტუტი Gnomon Wise
138. კოალიცია ბავშვებისა და ახალგაზრდებისთვის
139. კომლი
140. კომლის თემი
141. კონსულტაციის და ტრენინგის ცენტრი
142. კონფლიქტების და მოლაპარაკებების საერთაშორისო კვლევითი ცენტრი
143. კოშკის სათემო განვითარების ცენტრი
144. კრეატიული განვითარების ცენტრი
145. ლამპარი
146. ლელიანის ზრდასრულთა განათლების ცენტრი
147. ლომეკი
148. მარგარეტ ტეტჩერის ცენტრი საქართველოში
149. მარნეულის დემოკრატ ქალთა საზოგადოება
150. მარნეულის დემოკრატიული ჩართულობის ცენტრი
151. მედია აპრილი
152. მედია კლუბი
153. მედია ომბუდსმენი
154. მედია ცენტრი კახეთი MCK
155. მედიაორგანიზაცია „პუბლიკა“
156. მედიაჯგუფი “კონფლიქტის ზონა”
157. მედიის განვითარების ფონდი
158. მედიის და კომუნიკაციის საგანმანათლებლო და კვლევითი ცენტრი “მედიახმა”
159. მედიის ინსტიტუტი
160. მედიის ინფორმაციის და სოციალური კვლევების ცენტრი
161. მენტალური ჯანმრთელობის ცენტრი გამმა
162. მთის თემი
163. მთისა
164. მიშგოვ ლარდა (ზემო სვანეთი)
165. მოძრაობა ”სირცხვილია” / Shame movement
166. მოძრაობა-ხელმისაწვდომი გარემო ყველასათვის
167. მსოფლიო გამოცდილება საქართველოსთვის
168. მუხრანის საინიციატივო ჯგუფი
169. მშვიდობისა და ინტეგრაციის საერთაშორისო ცენტრი
170. მშობლები განათლებისთვის
171. მცხეთა-მთიანეთია რეგიონული ჰაბი
172. მწვანე ალტერნატივა
173. მხარდაჭერის და შესაძლებლობის განვითარების ცენტრი
174. ნაამბობი
175. ნაბიჯი ხარაგაული
176. ნაზარლოს სათემო ცენტრი
177. ოზურგეთის გენდერის მედიაცენტრი
178. ოზურგეთის დამოუკიდებელი ცხოვრების ცენტრი
179. ოპიოდოკი
180. ორბელიანი საქართველო
181. ორგანიზაციული, სტრატეგიული და დემოკრატიული პრიორიტეტების ცენტრი (COSDP)
182. ოჯახები დისკრიმინაციის წინააღმდეგ (FAD)
183. პარტნიორები-საქართველო
184. პარტნიორობა ადამიანის უფლებებისთვის (PHR)
185. პარტნიორობა სოციალური კეთილდღეობისათვის – პსკ
186. პირველი ევროპელი
187. პლატფორმა ახალი შესაძლებლობებისთვის/PNO
188. პლატფორმა სალამ
189. პრევენცია პროგრესისთვის
190. პროაქტივ ჯგუფი ჯორჯია
191. პროგრესის ცენტრი
192. პროდემოსი / Endowment “ProDemos”
193. პროიუზ საქართველო
194. პროფესიო – პიროვნული და პროფესიული განვითარების ცენტრი
195. ჟურნალისტთა კავშირი “ხალხის ხმა”
196. ჟურნალისტთა ქსელი გენდერული თანასწორობისათვის
197. ჟურნალისტიკის რესურსცენტრი
198. რეალური ხალხი, რეალური ხედვა
199. რეგიონის განვითარების ცენტრი
200. რეგიონული ინიციატივების ცენტრი “ნათელი მომავალი”
201. რეგიონული პარტნიორობის ცენტრი (RPC)
202. რეგისტრირებული კავშირი „საქართველოს ბავშვები”
203. რეპროდუქციული განათლების ჰაბი
204. რეფორმებისა და კვლევის ჯგუფი (RRG)
205. რუსეთის კვლევის ცენტრი
206. საბჭოთა წარსულის კვლევის ლაბორატორია
207. საერთაშორისო გამჭვირვალობა – საქართველო
208. საერთო-სამოქალაქო მოძრაობა მრავალეროვანი საქართველო
209. საზოგადოება ბილიკი
210. საზოგადოებრივი გაერთიანება ბემონი
211. საზოგადოებრივი მოძრაობა “მწვანეები”
212. საზოგადოებრივი ხელოვნების პლატფორმა
213. სათემო განვითარების პლატფორმა
214. სათემო ორგანიზაცია ნუკრიანი
215. სათემო ფონდი ლელი
216. საინიციატივო ჯგუფი – აქტიური მოქალაქეობის აკადემია
217. საინიციატივო ჯგუფი “როდემდე”
218. საინფორმაციო სააგენტო speqtri.ge
219. საინფორმაციო სამედიცინო-ფსიქოლოგიური ცენტრი თანადგომა
220. სამართლიანი არჩევნებისა და დემოკრატიის საერთაშორისო საზოგადოება
221. სამეგრელოს ხმა
222. სამეცნიერო-ინტელექტუალური კლუბი “თაობათა დიალოგი”
223. სამოქალაქო აქტივობების ცენტრი
224. სამოქალაქო აქტივობისა და თანასწორობის ცენტრი
225. სამოქალაქო აქტივობისა და რეგიონული განვითარების ცენტრი
226. სამოქალაქო განათლების ლექტორთა ასოციაცია
227. სამოქალაქო განათლებისა და განვითარების ცენტრი
228. სამოქალაქო თანასწორობის პლატფორმა
229. სამოქალაქო ინიციატივებისა და ინოვაციების ცენტრი
230. სამოქალაქო ინტეგრაციისა და ეროვნებათშორისი ურთიერთობების ცენტრი
231. სამოქალაქო მოძრაობა “დატოვე პარლამენტი ქუთაისში”
232. სამოქალაქო მოძრაობა “შენმოქმედი”
233. სამოქალაქო მოძრაობა თავისუფლებისთვის
234. სამოქალაქო მოძრაობა ტალღა
235. სამოქალაქო პლატფორმა – ფოთელები საკუთარი უფლებებისათვის
236. სამოქალაქო საზოგადოება განვითარებისთვის
237. სამოქალაქო საზოგადოების ინსტიტუტი
238. სამოქალაქო საზოგადოების ფონდი
239. სამოქალაქო საზოგადოების ფორმირების ხელშემწყობი ცენტრი
240. სამოქალაქო სოლიდარობის ფონდი
241. სამოქალაქო ჩართულობისა და აქტივიზმის ცენტრი (CEAC)
242. სამცხე-ჯავახეთის ქალები მშვიდობიანი საქართველოსთვის
243. სამხრეთის კარიბჭე
244. საორსა
245. სასამართლოს გუშაგი (Court Watch)
246. საფარი
247. საქართველო – დემოკრატია და სამოქალაქო საზოგადოება
248. საქართველოს ადიქტოლოგთა ასოციაცია
249. საქართველოს აზერბაიჯანელთა ახალგაზრდობის კავშირი
250. საქართველოს ატლანტიკური საბჭო
251. საქართველოს ახალგაზრდა იურისტთა ასოციაცია
252. საქართველოს ახალგაზრდულ მუშაკთა ასოციაცია
253. საქართველოს ბავშვები
254. საქართველოს გაეროს ასოციაცია
255. საქართველოს დემოკრატიული განვითარების კავშირი
256. საქართველოს დემოკრატიული ინიციატივა (GDI)
257. საქართველოს ევროპული ორბიტა
258. საქართველოს ეროვნული ფონდი
259. საქართველოს ეს ო ეს ბავშვთა სოფელი
260. საქართველოს კარიტასი
261. საქართველოს კინოინსტიტუტი
262. საქართველოს მედია-კლუბი
263. საქართველოს მომავლის აკადემია
264. საქართველოს პენცენტრი
265. საქართველოს ჟურნალისტური ეთიკის ქარტია
266. საქართველოს რეგიონულ მაუწყებელთა ალიანსი
267. საქართველოს რეფორმების ასოციაცია (GRASS)
268. საქართველოს საბიბლიოთეკო ასოციაცია
269. საქართველოს საზოგადოებრივი ჯანდაცვის ფონდი
270. საქართველოს სამოქალაქო საზოგადოების განვითარების ასოციაცია (ACSDG)
271. საქართველოს სოციალურ მუშაკთა ასოციაცია (GASW)
272. საქართველოს სტრატეგიული ანალიზის ცენტრი
273. საქართველოს სხეულზე ორიენტირებული ფსიქოთერაპიის ასოციაცია GABP
274. საქართველოს უდიები
275. საქართველოს ფსიქოსოციალური დახმარების ასოციაცია ნდობა
276. საქართველოს ქალთა დემოკრატიის ქსელი
277. საქართველოს შეზღუდული შესაძლებლობის მქონე პირთა ფედერაცია ” აღორძინება 2002 “
278. საქართველოს შეფასების საზოგადოება
279. სახეობათა კონსერვაციის სამეცნიერო კვლევითი ცენტრი ნაკრესი
280. სდექ მცხეთა_მთიანეთის კომიტეტი
281. სენტირე
282. სექტორი 3
283. სიღნაღის რეგიონის სოციალურად უმწეოთა თერაპიის კავშირი
284. სოლიდარობის თემი
285. სოლიდარობის ცენტრი
286. სოფელ კახათის სათემო განათლების და გაძლიერების ცენტრი
287. სოფლის განვითარებისა და სამოქალაქო ჩართულობის ცენტრი – ლილიფარი
288. სოფლის ქალები ადამიანის უფლებებისათვის
289. სოციალურ მეცნიერებათა ცენტრი (CSS)
290. სოციალურ საწარმოთა ალიანსი
291. სოციალური კვლევისა და ანალიზის ინსტიტუტი
292. სოციალური სამართლიანობის ცენტრი
293. სოციალური საწარმო გუმბათი
294. სოციალური საწარმო თავისუფალი სივრცე
295. სტუდენტურ- ახალგაზრდული სათათბირო
296. სტუდია მონიტორი
297. სწავლებისა და კვლევების ცენტრი
298. ტოლერანტი
299. ტოლერანტობის და მრავალფეროვნების ინსტიტუტი (TDI)
300. ტრანსგენდერი კაცების საინიციატივო ჯგუფი “ჩვენი კლუბი”
301. ტყიბულის რაიონის განვითარების ფონდი
302. უნივერსალთა ლიგა
303. ურბანული განვითარების ინსტიტუტი
304. უფლებები საქართველო
305. ფემეა
306. ფემინა
307. ფემინსტური ინიციატივების ფონდი
308. ფონდი აფხაზინტერკონტი
309. ფონდი ტასო
310. ფრანკლინის კლუბი
311. ფსიქიატრიის სერვისის მომხმარებელთა და გადარჩენილთა საქართველოს ქსელი
312. ფსიქოლოგთა და ექიმთა ასოციაცია ქსენონი
313. ფუსფუსი – შენი უსაფრთხო სივრცე
314. ქალები თავისუფლებისთვის
315. ქალები რეგიონიდან საზოგადოების განვითარებისთვის
316. ქალები რეგიონის განვითარებისათვის
317. ქალები საქართველოდან
318. ქალები საერთო მომავლისთვის (WCF) - საქართველო
319. ქალები ცვლილებებისათვის
320. ქალთა ასოციაცია “ვაკეთოთ ერთად”
321. ქალთა ასოციაცია გვირილა
322. ქალთა ინიციატივების მხარდამჭერი ჯგუფი
323. ქალთა ლიგა
324. ქალთა ორგანიზაცია-კავშირი “პაროს”
325. ქალთა პოლიტიკური რესურს ცენტრი
326. ქალთა სათემო რადიო WW
327. ქალთა სოლიდარობის ცენტრი
328. ქალთა ფონდი “სოხუმი”
329. ქალთა ფონდი საქართველოში
330. ქალი და განვითარება
331. ქართველ და გერმანელ ქალთა განათლებისა და ინფორმაციის საერთაშორისო ცენტრი
332. ქართული მედია ჯგუფი
333. ქვემო ქართლის მედია – QvemoQartli.ge
334. ქვემო ქართლის ქალთა ასოციაცია “ქალი და სამყარო”
335. ქვიარ ასოციაცია – თემიდა
336. ქუთაისი პოსტი
337. ქუთაისის საინფორმაციო ცენტრი
338. ქურთულ-ქართული სოციო-კულტურული პლატფორმა
339. ღია სახლი
340. ღია სივრცე კავკასია (COS)
341. ღრმა სტრუქტურული რეფორმების ცენტრი
342. ყვარლის ევროკლუბი
343. შავი ზღვის აკადემია
344. შაუმიანის სათემო განათლების ცენტრი
345. შეზღუდული შესაძლებლობის მქონე ქალთა ეროვნული ქსელი
346. შშმ ბავშვთა მშობელთა კავშირი ,,ლამპარი”
347. შშმ პირთა ინტეგრაციისა და განვითარების ასოციაცია “ჰანგი”
348. შშმ ქალთა ალიანსი
349. ჩართულობის და განვითარების ცენტრი
350. ჩემი იმერეთი
351. ჩემი ქალაქი მკლავს
352. ჩემი ხარაგაული
353. ჩვენ განათლებისთვის
354. ცვლილებები თანაბარი უფლებებისათვის
355. ციფრული ტექნოლოგიების სააგენტო Neo Tv
356. ციხის საერთაშორისო რეფორმა
357. ცოდნის კაფე
358. ცოდნის ძალა
359. ძალადობისგან დაცვის ეროვნული ქსელი
360. წამების მსხვერპლთა ფსიქოსოციალური და სამედიცინო რეაბილიტაციის ცენტრი GCRT
361. წერტილი
362. წითელი ხიდი
363. ჭავჭავაძის ცენტრი
364. ჯანსაღი მომავალისათვის
365. ჰაბიტატი თანასწორობის მიღწევების და განვითარებისთვის (HEAD)
366. ჰეპა პლიუსი
367. ჰუმანიტარული ცენტრი აფხაზეთი
368. Ad Hoc რეაგირების ცენტრი
369. ALEKSIDZE CENTRE
370. Animal Project (პროექტი ცხოველებისთვის)
371. Breath Georgia
372. Caucasus Principium
373. CENN
374. Centre Empathy
375. Child Welfare League
376. Civic Integration Foundation
377. Community Foundation Together for Telavi
378. Democracy Research Institute
379. Divine Child Foundation OF Georgia
380. DW Akademie
381. EECMD
382. Emdr Georgia
383. EveryWay
384. ge/ფაქტ-მეტრი
385. FirstNews ge
386. Georgian Students for Liberty
387. Georgian Women’s Action Group Toronto
388. GIPA
389. GRC
390. GrlzWave
391. Gundelik
392. IBDIPC
393. Ifact
394. Innovation and Civic Development Center – progress house
395. JAMnews
396. Kunsthalle Tbilisi
397. LibMod
398. LiMPoPo
399. Mindworks
400. On.ge
401. Netgazeti.ge
403. PDI
404. Pen Georgia
405. Promote Georgia
406. Public Policy Teaching Center (PPTC)
407. Save the Children International
408. TV მონიტორინგი
409. WeResearch
410. Women for Freedom
411. Zaxis

by Anna Samwel