„ქართული ოცნება” ხელისუფლების საქმიანობაზე საზოგადოებრივი კონტროლის მოშლას ცდილობს

„ქართული ოცნების“ მხრიდან ადგილობრივი არასამთავრობო ორგანიზაციების მიმართ წარმოებული აგრესიული კამპანია საგანგაშო ნიშნულს მიუახლოვდა. სამოქალაქო ორგანიზაციებზე თავდასხმა ქართული ოცნების მხრიდან ხელისუფლების საქმიანობაზე საზოგადოებრივი კონტროლის გათიშვის მიზანს ატარებს, რაც ავტორიტარიზმის კიდევ ერთი მკაფიო გამოვლინებაა და მისი ფორმირების შეუქცევად დინებაზე მიანიშნებს.

მას შემდეგ, რაც „ქართულმა ოცნებამ“ საქართველოსთვის ევროკავშირის წევრობის კანდიდატის სტატუსის მისაღებად განსაზღვრულ 12 პუნქტიის შესრულებაზე მისსავე შექმნილ სამუშაო ჯგუფში სამართლიანი არჩევნებისა და დემოკრატიის საერთაშორისო საზოგადოების (ISFED) მონაწილეობა დაბლოკა, რასაც სხვა არასამთავრობო ორგანიზაციების მხრიდან ჯგუფებში მუშაობის შეჩერება მოჰყვა, მმართველი პარტია სამოქალაქო სექტორს თავს დაესხა.

ქართული ოცნების თავმჯდომარის, ირაკლი კობახიძის, თავდასხმა არასამთავრობო ორგანიზაციების კომპეტენციასა და კეთილსინდისიერებაზე, მათი დახარისხება და ხელისუფლებისთვის მიუღებელ არასამთავრობო ორგანიზაციათა შავი სიის შექმნა ქვეყნის ეროვნული ინტერესებისთვის უმნიშვნელოვანეს, ევროინტეგრაციის საკითხზე დაფიქსირებული პოზიციის გამო, სხვა არაფერია, თუ არა მცდელობა ქართულმა ოცნებამ ხელისუფლების საქმიანობაზე საზოგადოებრივი კონტროლი გაანეიტრალოს და ამ გზით საკუთარი დღისწესრიგით საქმიანობა გაიადვილოს.

საყურადღებოა, რომ მმართველი პარტია იმ ინდივიდებს, თუ ორგანიზაციებს ესხმის თავს რომლებიც აქტიურად აკვირდებიან ხელისუფლების საქმიანობას, აკრიტიკებენ აქამდე არსებულ სახიფათო პოლიტიკას, მოუწოდებენ ხელისუფლებას გადახედოს მის დღისწესრიგს და ევროინტეგრაციის, თუ ქვეყნის განვითარების გზაზე რეალური ნაბიჯების გადადგმა დაიწყოს.

მიგვაჩნია, რომ “ქართული ოცნება” იაზრებს შედეგს თუმცა, მსგავსი რიტორიკითა და ნაბიჯებით მიზანმიმართულად ცდილობს მოშალოს ყველა ბერკეტი, რომელიც საქართველოს დემოკრატიული განვითარებისთვის სასიცოცხლოდ სჭირდება. სწორედ ასეთი გადაწყვეტილებები და განცხადებებია მიზეზი იმისა, რაც ყოველდღიურად ბუნდოვანს ხდის საქართველოს დემოკრატიული განვითარების მომავალს, როგორც ეროვნული, ასევე საერთაშორისო საზოგადოების თვალში, რაც სრულად “ქართული ოცნების” პასუხისმგებლობაა.

საქართველოს დემოკრატიული ინიციატივა (GDI)

საქართველოს სასამართლოს გუშაგი

საერთაშორისო გამჭვირვალობა - საქართველო (TI

საქართველოს ღია საზოგადოების ფონდი (OSGF)

დემოკრატიის მცველები

მედიის განვითარების ფონდი

ეკონომიკური პოლიტიკის კვლევის ცენტრი (EPRC)

ევროპულ-ქართული ინსტიტუტ

საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი)

საქართველოს პოლიტიკის ინსტიტუტი (GIP)

საქართველოს ატლანტიკური საბჭო

საქართველოს რეფორმების ასოციაცია (GRASS)

ტოლერანტობის და მრავალფეროვნების ინსტიტუტი (TDI)

უფლებები საქართველო

ქალები საერთო მომავლოსთვის (WECF) - საქართველო

საფარი

სამოქალაქო აქტივისტთა რეგიონული ქსელი

მშვიდობის, დემოკრატიისა და განვითარების კავკასიური ინსტიტუტი (CIPDD)

by Anna Samwel

NGO-ები ახალი სახალხო დამცველი არჩევის პროცესის ხელშეწყობისთვის ერთიანდებიან

ევროკომისიის მიერ 17 ივნისს გამოქვეყნებული დასკვნის თანახმად, საქართველომ ევროკავშირის წევრობის კანდიდატის სტატუსის მოსაპოვებლად 12 რეკომენდაცია უნდა შეასრულოს. მათგან ერთ-ერთი სახალხო დამცველის არჩევის პროცესს ეხება. კერძოდ, ევროკომისიის მოთხოვნაა, რომ სახალხო დამცველის ნომინირების პროცესში უპირატესობა მიენიჭოს დამოუკიდებელ კანდიდატს და პროცესი წარიმართოს გამჭვირვალედ და დაცული იყოს აპარატის ეფექტიანი ინსტიტუციური დამოუკიდებლობა. აღნიშნული რეკომენდაციის შესასრულებლად სამოქალაქო სექტორი იწყებს ომბუდსმენის კანდიდატების შერჩევის ინკლუზიურ და გამჭვირვალე პროცესს.

ქვემორე ხელისმომწერმა ორგანიზაციებმა ფართო კონსულტაციების შედეგად გადავწყვიტეთ ერთობლივად შევიმუშაოთ ომბუდსმენის კანდიდატობის ნომინირების წესი და ის კრიტერიუმები, რასაც უნდა აკმაყოფილებდეს ომბუდსმენის კანდიდატი; საერთაშორისო სტანდარტების, კერძოდ, პარიზის პრინციპების, ვენეციის პრინციპებისა და ევროსაბჭოს მინისტრთა კომიტეტის რეკომენდაციის (CM/Rec(2021)1) მოთხოვნების შესაბამისად მნიშვნელოვანია ომბუდსმენის კანდიდატის შერჩევის  ინკლუზიური პროცესი. ასევე, საჭიროა შესაფერისი კანდიდატების ფართო სპექტრის წახალისება, რომელთაც აქვთ მაღალი მორალური თვისებები, შეუვალობა და შესაბამისი პროფესიული ცოდნა და გამოცდილება, მათ შორის ადამიანის უფლებათა და ძირითად თავისუფლებათა სფეროში. ამასთან, საერთაშორისო სტანდარტების მიხედვით სახალხო დამცველის არჩევის პროცესში, აუცილებელია სოციალური ძალების (სამოქალაქო საზოგადოების) პლურალისტური წარმომადგენლობის უზრუნველყოფა, რომლებიც ჩართული არიან ადამიანის უფლებების დაცვასა და ხელშეწყობაში. საჭიროა, ფართო კონსულტაციებისს, განხილვების, შერჩევისა და დანიშვნის პროცესის ხელშეწყობა და ომბუდსმენობის აპლიკანტების შეფასება წინასწარ განსაზღვრული, ობიექტური და საჯაროდ ხელმისაწვდომი, პროფესიონალურ თვისებებსა და დამსახურებებზე დაფუძნებული კრიტერიუმების საფუძველზე.

სწორედ აღნიშნული სტანდარტების უზრუნველსაყოფად ჩვენ ვიწყებთ დაინტერესებული ორგანიზაციების მოწვევას, რომლებსაც აქვთ ადამიანის უფლებათა დაცვის სფეროში გამოცდილება და რომლებსაც ქვემორე ხელმომწერებიდან 3 ორგანიზაცია გაუწევს რეკომენდაციას. Პროცესის ინკლუზიურობის უზრუნველსაყოფად 30 აგვისტომდე უფლებადამცველებს, უფლებადამცველ ჯგუფებს და უფლებადაცვით ორგანიზაციებს საშუალება ექნებათ შემოგვიერთდნენ. წინადადებებით გთხოვთ, მოგვამაaრთოთ ელექტრონული ფოსტით: . ორგანიზაციების მიერ ომბუდსმენის კანდიდატების დასახელების წესი დეტალურად გაიწერება მას შემდეგ, რაც გაფართოებული შემადგენლობის ფორმირება დასრულდება.

სამოქალაქო სექტორის აღნიშნული გაფართოებული შემადგენლობიდან 10 სუბიექტი შეძლებს ომბუდსმენის თითო კანდიდატის დასახელებას, რომელიც უნდა აკმაყოფილებდეს საერთაშორისო სტანდარტებით გათვალისწინებულ კრიტერიუმებს. დასახელებული კანდიდატების ფართო საზოგადოებისთვის გაცნობის მიზნით ჩვენ ვუზრუნველყოფთ საჯარო შეხვედრებს, განხილვებსა და დისკუსიებს, რათა ფართო საზოგადოებას ჰქონდეს საშუალება გაიცნოს სახალხო დამცველის კანდიდატები და მათი ხედვები. აღნიშნულ კანდიდატებს ჩვენ ასევე წარვუდგენთ პოლიტიკურ პარტიებს, რათა მათ მოახდინონ აღნიშნული კანდიდატების ნომინირება საქართველოს კანონმდებლობის შესაბამისად.

ჩვენ კიდევ ერთხელ მოვუწოდებთ ყველა დაინტერესებულ უფლებადამცველს, სამოქალაქო მოძრაობასა თუ ორგანიზაციას ჩაერთონ ამ კრიტიკული მნიშვნელობის პროცესში, რათა უზრუნველყოფილი იქნას ომბუდსმენის კანდიდატების ნომინირების პროცესის ინკლუზიურობა და გამჭვირვალობა. Საქართველოს ტრადიციულად ჰყავს დამოუკიდებელი, მაღალკვალიფიცური და პარტიებთან არააფილირებული სახალხო დამცველები და სასიცოცხლოდ მნიშვნელოვანია, შენარჩუნდეს სახალხო დამცველის დამოუკიდებლობა მომავალშიც, წინამდებარე ინიციატივაც სწორედ ამ მიზნის მიღწევას ემსახურება.

 

ხელმომწერი  ორგანიზაციები (განახლებადი სია):

  • საფარი;
  • სამართლიანი არჩევნებისა და დემოკრატიის საერთაშორისო საზოგადოება (ISFED);
  • საქართველოს ახალგაზრდა იურისტთა ასოციაცია (GYLA);
  • სოციალური სამართლიანობის ცენტრი;
  • საქართველოს დემოკრატიული ინიციატივა (GDI);
  • საქართველოს რეფორმების ასოციაცია;
  • ტოლერანტობის და მრავალფეროვნების ინსტიტუტი (TDI);
  • მედიის განვითარების ფონდი;
  • დემოკრატიის მცველები;
  • ეკონომიკური პოლიტიკის კვლევით ცენტრი;
  • ადამიანის უფლებათა ცენტრი (HRC);
  • წამების მსხვერპლთა ფსიქოსოციალური  და სამედიცინო რეაბილიტაციის ცენტრი (GCRT);
  • თბილისის ადამიანის უფლებათა სახლი (HRHT);
  • დემოკრატიის მცველები;
  • ქალთა მოძრაობა;
  • სოლიდარობის მუზეუმი;
  • გარემოსდაცვითი სათემო ორგანიზაცია “ეკო”;
  • დემოკრატიული ჩართულობის ცენტრების ქსელი ;
  • კოალიცია დამოუკიდებელი ცხოვრებისათვის (CIL);
  • საქართველოს ღია საზოგადოება ფონდი (OSGF);
  • სოლიდარობის თემი;
  • ასოციაცია “ანიკა”;
  • ინფორმაციის თავისუფლების განვითარების  ინსტიტუტი (IDFI);
  • ლიბერალური აკადემია;
  • ტოლერანტი – სამცხე-ჯავახეთის რეგიონალური ასოციაცია;
  • ქალები საერთო მომავლისთვის (WECF) – საქართველო;
  • საქართველოს ატლანტიკური საბჭო;
  • უფლებები საქართველო;
  • დემოკტრატიის კვლევის ინსტიტუტი;
  • თანასწორობის მოძრაობა;
  • მწვანე ალტერნატივა ;
  • მმართველობითი სისტემების განვითარების ცენტრი;
  • ფონდი აურეს;
  • მარნეულის დემოკრატ ქალთა საზოგადოება;
  • თბილისის ადამიანის უფლებათა სახლი;
  • მშვიდობის, დემოკრატიის და განვითარების კავკასიური ინსტიტუტი  (CIPDD);
  • დემოკრატიის ინდექსი საქართველო;
  • ქალთა ინიციატივების მხარდამჭერი ჯგუფი;
  • Girlz wave;
  • თბილისი პრაიდი;
  • პლატფორმა ახალი შესაძლებლობებისთვის;
  • Youthidentoba;
  • მოძრაობა სირცხვილია;
  • სოციალურ მუშაკთა გაერთიანება;
  • საერთაშორისო გამჭვირვალობა – საქართველო;
  • მედიის ინსტიტუტი;
  • პლატფორმა სალამი;
  • ქალთა საინფორმაციო ცენტრი;
  • თანასწორობის მოძრაობა.

by Anna Samwel

ახალი საკონკურსო კატეგორიები - კონკურსი „მედია თანასწორობისთვის 2022"

„ქალები საერთო მომავლისთვის (WECF) - საქართველო" უკვე მეორედ ატარებს კონკურსს „მედია თანასწორობისთვის", რომლის მიზანიც გენდერული თანასწორობის იდეის მნიშვნელობის დღის წესრიგში დაყენებაა ჟურნალისტების, ფოტოგრაფების, ბლოგერების, სოციალურ მედიაში კონტენტის შემქმნელებისა და ჟურნალისტიკის სტუდენტების საქმიანობაში.

წელს საკონკურსო კატეგორიებში სიახლე გვაქვს:

აქამდე არსებულ ოთხ კატეგორიას (საუკეთესო ცენტრალური მედია პროდუქტი, საუკეთესო რეგიონული მედია პროდუქტი, საუკეთესო ვიზუალური ნამუშევარი, საუკეთესო დამოუკიდებელი/ინდივიდუალური კონტენტის შემქმნელი სოციალურ მედიაში) ორი ახალი კატეგორია დაემატა. ესენია:

  • საუკეთესო ციფრული პლატფორმა - ქალთა და გენდერულ საკითხებზე ორიენტირებული სოციალური მედიისა და ციფრული პლატფორმები.
    • მონაწილეობის მიღება შეუძლიათ: არასამთავრობო ორგანიზაციებს, საინიციატივო ჯგუფებს და სამოქალაქო საზოგადოების სხვა წარმომადგენლებს. ასევე, ნებისმიერ ციფრულ და სოციალური მედიის პლატფორმებს, რომლებიც არ ეკუთვნის რომელიმე მედია საშუალებას და ორიენტირებულია ქალთა გაძლიერების და გენდერული თანასწორობის საკითხებზე. მონაწილეობის მიღების მსურველმა უნდა გამოგზავნოს პლატფორმიდან ერთი ნამუშევარი (სტატია, ვიდეო, ფოტო და ა.შ.).
  • საუკეთესო სტუდენტური ჟურნალისტური პროდუქტი - სტუდენტების მიერ მომზადებული მედია პროდუქტი: სატელევიზიო სიუჟეტი, სტატია, ვიდეო-სიუჟეტი, პოდკასტი, რადიო გადაცემა და ა.შ.
    • მონაწილეობის მიღება შეუძლიათ: ჟურნალისტიკის ან სხვა რელევანტური (ფილოლოგიის, სოციალური მეცნიერებების, კინომცოდნეობის, ხელოვნებათმცოდნეობის და ა.შ.) ფაკულტეტის სტუდენტებს. გამოგზავნილი ნამუშევარი უნდა იყოს ბაკალავრიატის, მაგისტრატურის ან დოქტურანტურის სტუდენტების მიერ მომზადებული მედია პროდუქტი, რომელიც გამოქვეყნებულია ნებისმიერ სტუდენტურ ან სხვა მედია პლატფორმაზე.

გაითვალისწინეთ, რომ გამოგზავნილი მასალები აუცილებლად უნდა მოიცავდეს თემებს ქალთა გაძლიერებასა და გენდერულ თანასწორობაზე.

  • კონკურსზე დეტალური ინფორმაციის მისაღებად ეწვიეთ ბმულს: https://www.wecf.ge/media-awards/
  • განაცხადის გამოგზავნის წესები და სააპლიკაციო ფორმა იხილეთ ბმულზე: https://www.wecf.ge/how-to-apply/

 

კონკურსი „მედია თანასწორობისთვის 2022″ ხორციელდება ევროკავშირის პროექტის – „ქალების ძალა – ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“  და გერმანიის საგარეო საქმეთა სამინისტროს პროექტის – „ქალები და მათი უფლებები: ეთიკური მედია კავკასიაში“ („სამოქალაქო საზოგადოების თანამშრომლობის” პროგრამა) ფარგლებში.

by Anna Samwel

საკონკურსო კატეგორიები, სადაც არაჟურნალისტური ნამუშევრის გამოგზავნა შეგიძლიათ - კონკურსი „მედია თანასწორობისთვის 2022"

ორგანიზაციამ - „ქალები საერთო მომავლისთვის - საქართველო” (WECF Georgia) - 2022 წლის 25 ივლისს გამოაცხადა კონკურსი „მედია თანასწორობისთვის 2022", რომლის მიზანიც  გენდერული თანასწორობის იდეის მნიშვნელობის დღის წესრიგში დაყენებაა ჟურნალისტების, ფოტოგრაფების, ბლოგერების, სოციალურ მედიაში კონტენტის შემქმნელებისა და ჟურნალისტიკის სტუდენტების საქმიანობაში.

ორგანიზაციას სჯერა, რომ ციფრულ მედიასა და სოციალურ ქსელში განთავსებული სხვადასხვა ტიპის, მათ შორის არაჟურნალისტური, პროდუქტი მნიშვნელოვან ზეგავლენას ახდენს საზოგადოების ცნობიერებასა და ქალთა და სხვა მარგინალიზებული ჯგუფების რეპრეზენტაციაზე. სწორედ ამიტომ, კონკურსი მხარს დაუჭერს და წაახალისებს ისეთ 

  • გრაფიკულ და ვებ დიზაინერებს;
  • ქუჩის არტისტებს;
  • ფოტოგრაფებს;
  • ილუსტრატორებს;
  • ბლოგერებს;
  • ვლოგერებს;
  • სოციალურ მედიაში კონტენტის შემქმნელებს;

რომლებიც თავიანთ უნარებს, ნიჭს, შესაძლებლობებსა და პლატფორმებს მოხალისეობრივად იყენებენ ქალთა გაძლიერებისა და გენდერული თანასწორობის იდეის გასავრცელებლად.

ასეთ ადამიანებს კონკურსის შემდეგი ორი კატეგორიიდან ერთ-ერთში შეუძლიათ განაცხადის შემოტანა:

  • საუკეთესო ვიზუალური ნამუშევარი (კედლის მხატვრობა, ფოტოამბავი, ინსტალაცია და სხვ.) - ამ კატეგორიაში განაცხადის შემოტანა შეუძლიათ: მოყვარულ და პროფესიონალ ფოტოგრაფებს (ფოტოამბებით), მხატვრებსა და ქუჩის არტისტებს (კედლის მხატვრობით, გრაფიტით, ინსტალაციით), გრაფიკულ დიზაინერებსა და ილუსტრატორებს (პორტფოლიოებით/პროდუქტის ან ვებგვერდის დიზაინით) მთელი საქართველოს მასშტაბით. ნამუშევრები უნდა იყოს საჯაროდ გამოქვეყნებული, ციფრულ ან რეალურ სივრცეში.
  • საუკეთესო დამოუკიდებელი/ინდივიდუალური კონტენტის შემქმნელი სოციალურ მედიაში  (აპლიკანტი საკუთარ პლატფორმას უნდა იყენებდეს თანასწორობის იდეის გასავრცელებლად) - ამ კატეგორიაში განაცხადის შემოტანა შეუძლიათ:სოციალურ მედიაში (Instagram, TikTok, Facebook, YouTube, Snapchat, და სხვა პლატფორმებზე) კონტენტის შემქმენელებს, ბლოგერებსა და ვლოგერებს მთელი საქართველოდან. აპლიკანტი საკუთარ პლატფორმას უნდა იყენებდეს თანასწორობის იდეის გასავრცელებლად.

გახსოვდეთ, რომ გამოგზავნილი მასალები აუცილებლად უნდა მოიცავდეს თემებს ქალთა გაძლიერებასა და გენდერულ თანასწორობაზე.

განაცხადის გამოგზავნის წესები და ფორმა იხილეთ ბმულზე: https://www.wecf.ge/how-to-apply/

შევსებული სააპლიკაციო ფორმა გამოგზავნეთ ელ-ფოსტით მისამართზე: media4equality@wecf.org

განაცხადების მიღების ბოლო ვადაა 31 ოქტომბერი, 2022 წელი.

 

 

კონკურსი „მედია თანასწორობისთვის 2022″ ხორციელდება ევროკავშირის პროექტის – „ქალების ძალა – ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“  და გერმანიის საგარეო საქმეთა სამინისტროს პროექტის – „ქალები და მათი უფლებები: ეთიკური მედია კავკასიაში“ („სამოქალაქო საზოგადოების თანამშრომლობის” პროგრამა) ფარგლებში.

by Anna Samwel

შეხვედრა პარტნიორ ორგანიზაციებთან

2022 წლის 2-3 აგვისტოს „ქალები საერთო მომავლისთვის (WECF) - საქართველო" პარტნიორ ორგანიზაციებს შეხვდა, რომლებთანაც პროექტ „ქალების ძალა ინკლუზიისთვის" ფარგლებში ვთანამშრომლობთ.

პროექტი „ქალების ძალა - ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში" 2020 წლიდან საქართველოს 4 რეგიონში - გურიაში, კახეთში, იმერეთსა და რაჭაში ხორციელდება და აღნიშნული შეხვედრა პროექტის მიმდინარეობის შუალედურ შეფასებას ემსახურებოდა.

შუალედური შეფასების პერსპექტივით განვიხილეთ პროექტის ფარგლებში განხორციელებული აქტივობები და მათი ეფექტურობა საბოლოო მიზნებთან მიმართებით. ასევე, მოვისმინეთ პარტნიორების რეკომენდაციები და მოსაზრებები პროექტთან დაკავშირებულ სამომავლო გეგმებზე.  გარდა ამისა, ვისაუბრეთ ქვეყანასა და რეგიონში არსებულ შიდა და გარე გამოწვევებზე, რომლებმაც პროექტის აქტივობებსა და გეგმებზე მოახდინეს გავლენა.

პროექტის ფარგლებში „ქალები საერთო მომავლისთვის (WECF) - საქართველო" შემდეგ ორგანიზაციებთან თანამშრომლობს: „ახალგაზრდა პედაგოგთა კავშირი", „რაჭის სათემო ორგანიზაცია", „უხუცეს ქალთა საბჭო", „ქალი და რეალობა" და „ქალთა ფონდი საქართველოში".

 

პარტნიორთა შეხვედრა ჩატარდა ევროკავშირის პროექტის – „ქალების ძალა – ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“  და გერმანიის საგარეო საქმეთა სამინისტროს პროექტის – „ქალები და მათი უფლებები: ეთიკური მედია კავკასიაში“ („სამოქალაქო საზოგადოების თანამშრომლობის” პროგრამა) ფარგლებში.

by Anna Samwel

ტრენინგი გენდერულად მგრძნობიარე, ეთიკურ მედია გაშუქებასა და ციფრულ უსაფრთხოებაზე

2022 წლის 21-22 ივლისს „ქალები საერთო მომავლისთვის (WECF) - საქართველოს" პროექტის „ქალების ძალა ინკლუზიისთვის" ფარგლებში ჩატარდა ტრენინგი ჟურნალისტებისა და სტუდენტებისთვის გენდერული საკითხების ეთიკურ გაშუქებასთან და ციფრულ უსაფრთხოებასთან დაკავშირებით. 

ტრენინგს ესწრებოდნენ  ჟურნალისტები როგორც ცენტრალური, ისე - რეგიონული მედიიდან. ასევე, ჟურნალისტიკისა და სხვა რელევანტური ფაკულტეტების სტუდენტები. გენდერული საკითხების ეთიკურ გაშუქებასა და ამ კუთხით არსებულ გამოწვევებზე ტრენინგის მონაწილეებს ჟურნალისტები ხატია ღოღობერიძე და თეონა ცხომელიძე ესაუბრნენ, ხოლო ციფრულ უსაფრთხოებაზე - ციფრული უსაფრთხოების სპეციალისტი ნინო გამისონია.

სატრენინგო მასალა შედგებოდა ისეთი ფუნდამენტური საკითხებისგან, როგორიცაა:

  • ფემიციდი და მისი ეთიკური გაშუქების სტანდარტი;
  • ლგბტქ თემის რეპრეზენტაცია მედიაში;
  • ბავშვთა საკითხების გაშუქების სტანდარტი;
  • ძალადობის მსხვერპლთა რეპრეზენტაცია მედიაში და ამასთან დაკავშირებული გამოწვევები;
  • ციფრული უსაფრთხოება, როგორც გამოწვევა და უსაფრთხოების აუცილებელი კომპონენტები.

ტრენინგის ბოლოს კი მონაწილეებს მივაწოდეთ ინფორმაცია კონკურსის „მედია თანასწორობისთვის 2022" შესახებ, რომელიც სწორედ ეთიკური გაშუქების სტანდარტითა და გენდერული მგრძნობიარობით შექმნილი მედია პროდუქტის ავტორების წახალისებასა და დაჯილდოებას ისახავს მიზნად. 

 

ტრენინგი ჩატარდა ევროკავშირის პროექტის – „ქალების ძალა – ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“  და გერმანიის საგარეო საქმეთა სამინისტროს პროექტის – „ქალები და მათი უფლებები: ეთიკური მედია კავკასიაში“ („სამოქალაქო საზოგადოების თანამშრომლობის” პროგრამა) ფარგლებში.

by Anna Samwel

ჰაერის დაბინძურება

ჰაერის დაბინძურება საბავშვო ბაღების შენობებში

ახალი ანგარიში ხელმისაწვდომია ინგლისურად ჩამოსატვირთად. ანგარიში მომზადებულია WECF საქართველოს მიერ პროექტის “სუფთა ჰაერი ბავშვებისათვის” ფარგლებში

შესავალი

WECF საქართველოს და NCDC– ის მიერ საბავშვო ბაღებში მცირე ნაწილაკების დონის შესახებ კვლევამ აჩვენა, რომ ბავშვები და მათი აღმზრდელები არიან ნაწილაკების მომატებულ დონის (PM) ზემოქმედების ქვეშ. საქართველოს აქვს ერთ -ერთი ყველაზე მაღალი სიკვდილიანობა შიდა ჰაერის დაბინძურებით (3.8%) [1] PAN ევროპის რეგიონში.

შიდა დაბინძურების მაღალი დონის უმთავრესი მიზეზი არის არაეფექტური შეშის ღუმელების გამოყენება, რომელსაც საქართველოს საბავშვო ბაღების თითქმის ნახევარი კვლავ იყენებს. ამ კვლევაში, საბავშვო ბაღებს, რომლებიც შეშას იყენებენ როგორც გათბობის ძირითად წყაროს, აქვთ საშუალოდ 2,4 -ჯერ უფრო მაღალი PM დონე, ვიდრე ცენტრალურ გათბობასა და ბუნებრივ გაზზე დამოკიდებული საბავშო ბაღებს.

შიდა ჰაერის დაბინძურება

შიდა ჰაერი არის ჰაერი თქვენს სახლში, სკოლაში, ოფისში ან სხვა დახურულ გარემოში. საქართველოში ყოველწლიურად 1900-2900 ადამიანი [2] იღუპება შიდა ჰაერის დაბინძურების გამო. მას ასევე შეუძლია გამოიწვიოს ან გააუარესოს რესპირატორული დაავადებები და გავლენა მოახდინოს ადამიანის კეთილდღეობაზე და შემეცნებით მოქმედებაზე. საშუალოდ, ჩვენ დროის 90% -მდე ვატარებთ შენობაში [3]. (ეს ეხება ვინმეს საშუალო ყოველდღიურ რუტინას პანდემიამდე.) უმეტეს შემთხვევაში, შიდა ჰაერი ჩვეულებრივ ბევრად უფრო დაბინძურებულია, ვიდრე გარე ჰაერი. დაბინძურებას იწვევს ღუმელების კვამლი, სუნთქვის შედეგადად CO2, ავეჯიდან და საყოფაცხოვრებო ნივთებიდან ქიმიური აირები, ობი, მტვერი, ტყვია, ვირუსები და სხვა შიდა წყაროები.

ნაწილაკების საკითხი მიუთითებს ნებისმიერი სახის წვრილ ნაწილაკს, რომელსაც შეუძლია შეაღწიოს ფილტვებში. ეს განსაკუთრებით საგანგაშოა ბავშვების ჯანმრთელობისთვის, რადგან მათი ფილტვები ჯერ კიდევ ვითარდება და ისინი სუნთქავენ უფრო მეტ ჰაერს სხეულის კილოგრამზე, ვიდრე მოზრდილები [4].

კვლევებმა აჩვენა, რომ ნაწილაკების ზემოქმედება ზრდის COVID-19 სიკვდილიანობას 11% -ით, რადგან ის ასუსტებს ფილტვებს და ხდის მათ უფრო მგრძნობიარე სასუნთქი გზების დაავადებების მიმართ [5].

კვლევა

კვლევა ჩატარდა 2020 წლის ზამთრისა და გაზაფხულის სეზონზე. შიდა ჰაერის ხარისხის შესახებ ინფორმაცია შეგროვდა 59 საჯარო საბავშვო ბაღიდან ცხრა მუნიციპალიტეტში და საქართველოს სამ რეგიონში. კვლევამ შეეხო შიდა ჰაერის ხარისხთან დაკავშირებულ მთელ რიგ თემებს, მათ შორის თითოეული საბავშვო ბაღის ვენტილაციის პრაქტიკას, შიდა ჰაერის დაბინძურების წყაროების ინფორმირებულობის დონეს და მათ ჯანმრთელობაზე

პოტენციურ გავლენას. საბავშვო ბაღების ამ შერჩეულ ჯგუფში 20-მა აჩვენა რეკორდული ნაწილაკების (PM) დაბინძურების მაღალი ფონე ერთიდან სამ სასკოლო კვირის ინტერვალით ჰაერის ხარისხის სენსორების გამოყენების მეშვეობით.

შედეგებმა აჩვენა, რომ მიუხედავად იმისა, რომ საბავშვო ბაღების უმეტესობას არ გამოუთქვამს რაიმე შეშფოთება ჰაერის ცუდი პირობების გამო, ჰაერის სენსორების უმეტესობამ აჩვენა, რომ ბავშვები და თანამშრომლები ხშირად არიან PM– ის არასაიმედო დონის ზემოქმედების ქვეშ მთლიანი სასკოლო წლის განმავლობაში. ზოგიერთი საბავშვო ბაღის მონაცემები არასოდეს აკმაყოფილებდა მონიტორინგის პერიოდში ექსპოზიციის უსაფრთხო ან “ნორმალურ” დონეს, რაც ხაზს უსვამს გადაუდებელი ზომების გატარების მნიშვნელობას.

ასეთი მაღალი დაბინძურების ერთ-ერთი უმთავრესი მიზეზი არის ხე-ტყის ღუმელების გამოყენება საქართველოში არსებული ყველა საბავშვო ბაღის დაახლოებით ნახევრის მიერ. საბავშვო ბაღებში, რომლებიც შეშას იყენებენ გათბობის მიზნით, საშუალოდ 2,4 -ჯერ უფრო მაღალი PM დონე აქვთ, ვიდრე ცენტრალურ გათბობასა და ბუნებრივ გაზზე დამოკიდებული საბავშვო ბაღები. დაბინძურების დონე მნიშვნელოვნად განსხვავდება დღეებისა და საბავშვო ბაღების მიხედვით, რაც კიდევ უფრო ხაზს უსვამს ამ საკითხზე კვლევის გაგრძელების კონცენტრირებული ძალისხმევის აუცილებლობას, რათა საფუძვლიანად მოხდეს გამოკვლეული ყველა ის ქმედება, მასალა ან პრაქტიკა, რომელიც ხელს უწყობს დაბინძურების ასეთ არასტაბილურ და არაჯანსაღ დონეს.

კვლევამ ასევე გამოავლინა, რომ საბავშვო ბაღის თანამშრომლების ინფორმირებულობა შიდა ჰაერის ხარისხის მართვის შესახებ დაბალია. საბავშვო ბაღების მხოლოდ ნახევარი იყენებს ელექტრო ვენტილატორს სამზარეულოში ან აბაზანაში. მიუხედავად იმისა, რომ საბავშვო ბაღების უმეტესობა რეგულარულად ხსნის ფანჯრებს ვენტილაციისთვის, ტემპერატურის მონიტორინგ არ ხდება და შესაბამისად, სავარაუდოა, რომ ძალიან მაღალია. საბავშვო ბაღების 60% არ უშვებს ბავშვებს გარეთ ზამთრის სეზონზე და მხოლოდ ნაწილს გაჰყავს ბავშვები ჰაერზე ორი საათის ან მეტი, როგორც ამას NCDC გირჩევთ.

რეკომენდაციები

ჩვენს ბავშვები არიან ჰაერის დაბალი ხარისხის ზემოქმედების ქვეშ და სასწრაფო მოქმედებაა საჭირო.

მიუხედავად იმისა, რომ საჭიროა შემდგომი კვლევა ჰაერის დაბინძურებასთან ბრძოლის ეფექტური ზომების შემუშავებისათვის, როგორიცაა ჰაერის დაბინძურების სხვადასხვა წყაროების გავლენის გაგება ბავშვებსა და მოზრდილებში, მაგრამ ბევრი რამის გაკეთება შესაძლებელია სათანადო მენეჯმენტისა და განათლების გზით.

ამჟამად, არ არსებობს კანონმდებლობა ან ჰაერის დამაბინძურებლების ექსპოზიციის შეზღუდვები საქართველოში. ჰაერის დაბინძურების შესახებ ევროკავშირის გაიდლაინების მიღება ასოცირების შეთანხმების ფარგლებშია გათვალისწინებული და რაც შეიძლება მალე

უნდა დაიწყოს მისი განხორციელება, ისევე როგორც, შიდა ჰაერის დაბინძურების ინდიკატორ (ებ) ის ინტეგრირება მდგრადი განვითარების მიზნებში.

საბავშვო ბაღს და შინამეურნეობებს შეუძლიათ დაუყოვნებლივ მიიღონ ზომები შიდა ჰაერის ხარისხის სწორად მართვის მიზნით.

ზოგიერთი ყველაზე მნიშვნელოვანი რეკომენდაციაა:

· მოერიდეთ შეშას, როგორც გათბობის წყაროს/საწვავს, თუ ეს შესაძლებელია

· დღეში რამდენჯერმე გაანიავეთ ოთახი ორი საპირისპირო ფანჯრის გახსნით (განივი ვენტილაცია) რამდენიმე წუთის განმავლობაში

· დარწმუნდით, რომ შიდა ოთახის ტემპერატურა რეგულირდება 18 – 22 გრადუსამდე; ღამე შეიძლება იყოს უფრო გავაციოთ ოთახი

· ნება მიეცით ბავშვებს ყოველდღე ითამაშონ გარეთ ორი საათის განმავლობაში ან მეტი, მაშინაც კი, როცა ცივა ან ნაწვიმია (უბრალოდ ჩააცვით სწორად)!

· ნუ მისცემთ უფლებას ვინმეს დაწვას ფოთლები ან სხვა ნარჩენებს თქვენი შენობების ირგვლივ

· არ გამოიყენოთ ქიმიკატები თქვენს სახლში, როგორიცაა აეროზოლური სპრეი ან მძაფრი სუნის მქონე სათამაშოები და სხვადასხვა ნივთები

და მაინც, თუ იყენებთ შეშის ღუმელს:

· გამოიყენეთ მხოლოდ მშრალი შეშა

· გამოიყენეთ ენერგოეფექტური ღუმელი, რომელიც არეგულირებს ჰაერის ნაკადს

· დააინსტალირეთ დეფლექტორი თქვენს ბუხარზე, რათა თავიდან აიცილოთ კვამლი ოთახში ქარიანი ამინდის დროს

· გააწმინდეთ ბუხარი და ღუმელი ყოველწლიურად, ჰაერის კარგი ნაკადის უზრუნველსაყოფად

· არასოდეს, არასოდეს დაწვა პლასტიკური ან სხვა ნარჩენები ღუმელში


წყაროები:

by Anna Samwel

ენერგეტიკული კოოპერაციული საზოგადოებები

მეორე სემინარის შემდეგ ოფიციალურად დარეგისტრირდა ოთხი კოოპერაციული საზოგადოება:

  • ჩართე მზე – რომელიც მხარდაჭერილია ,,საქართველოს მწვანეთა მოძრაობის” მიერ და მდებარეობს სოფელ ივანდიდში, რომელიც ხონის და მარტვილის რაიონებს ფარავს.
  • მწვანე ენერგია, რომელიც მხარდაჭერილია SEMA-ს მიერ და მდებარეობს სოფელ ჩარდახში.
  • სუფთა ენერგია, რომელიც მხარდაჭერილია RCDA-ს მიერ და მდებარეობს სოფელ ხამისურში, რომელიც ასევე მოიცავის ხობის და სამეგრელოს რაიონებს.
  • წყრუთი ენერგო – მხარდაჭეილია SDCA-ს მიერ და მდებარეობს სოფელ წყრუთში , რომელიც ასევე მოიცავს ახალციხის და ბორჯომის რაიონებს.

სემინარის განმავლობაში შემუშავდა გარკვეული გაიდლაინი, რომლებსაც კოოპერაციული საზოგადოებები უნდა მიჰყვნენ. ეს ზომები შემუშავებულია როგორც ,,ქალები საერთო მომავლისთვის”, ასევე მისი პარტნიორების მიერ და დაფუძნებულია National Appropriate Mitigation Action (NAMA) – სა და გარემოს დაცვის სამინისტრის თანამშრომლობით თემაზე მდგრადი სასოფლო ენერგეტიკული განვითარება. ენერგეტიკულ კოოპერატივებს შეუძლიათ გადამწყვეტი როლი შეასრულონ 15,000 მზის წყლის გამათბობლების, ღუმელების და საიზოლაციო ღონისძიებების მიწოდებაში და განახორციელონ MRV – ის ნაწილი.

სემინარები ჩატარდა პროექტის “გადაერთე მზეზე, იცხოვრე კომფორტში” ფარგლებში და მთავარი ფასილიტატორები იყვნენ ,,ქალები საერთო მომავლისთვის”, RCDA, EthicFinance და გერმანიის ენერგეტიკული კოოპერატივის ,,ბაიერნ ენერგიის” გამგეობის წევრი. აქტივობები ტარდება პროექტების: “სემინარი ენერგეტიკულ კოოპერატივებზე საქართველოში” და “გადაერთე მზეზე – იცხოვრე კომფორტში” ფარგლებში და დაფინანსებულია “AuswärtigesAmt”, ევროკავშირის, GLS Treuhand,  გერმანული მწვანე ელექტროენერგიის მიმწოდებელი კომპანიის “Elektrizitätswerke Schönau” (EWS) და RAJA Foundation-ის მიერ.

by Anna Samwel

ენერგია და კლიმატი

გაერთიანების სახის ოთხმა ჯგუფმა წამოიწყო გენდერულად მგრძნობიარე ენერგეტიკული კოოპერაციული საზოგადოების ჩამოყალიბება, იმისათვის რომ საქართველოს ნაკლებად განვითარებულ მხარეებს მზის ენერგიით მომუშავე გამათბობლები დაემონტაჟებინათ.  ჯგუფები დაფუძნებულია ხობის, ხონის, ახალციხისა და მცხეთის რესურს ცენტრებში და მათ ინტენსიური ტრენინგი ჩაუტარდათ ევროკავშირის მიერ დაფინანსებული პროექტის ფარგლებში „მზეზე გადადი, იცხოვრე კომფორტში“ მზის წყლის გამაცხელებლების მშენებლობის, დაყენების, მოვლისა და მონიტორინგის მიზნით.

რესურს ცენტრები ეძებენ გზებს რომ გახდნენ ეკონომიკურად მდგრადები და საზოგადოების უფრო ფართო ნაწილს შესთავაზონ პრობლემის გადაჭრის ენერგოეფექტური და ხელმისაწვდომი შესაძლებლობები. ამ რესურს ცენტრებს მხარდაჭერა აქვთ როგორც ,,ქალები საერთო მომავლისთვის” გუნდისგან, ასევე ჩვენი პარტნიორი ორგანიზაციებისგან: ,,საქართველოს მწვანეთა მოძრაობა“, RCDA, SDCA, SEMA და EthicFinance, რომლებმაც ოთხი ტრენინგი ჩაატარეს ენერგეტიკური კოოპერაციული საზოგადოების შექმნის შესახებ. ზოგიერთმა პარტნიორმა ორგანიზაციამ ასევე მონაწილეობა მიიღო 2014 წელს გერმანიაში გამართულ სასწავლო ვიზიტში ენერგეტიკული კოოპერატივების შესახებ.

სულ ოთხი სემინარი ჩატარდა საქართველოში გენდერულად სენსიტიურ კოოპერაციულ საზოგადოებაზე, 08.-10.11.2015; 15.-16.12.2015; 30.03.2016; 09.-11.07.2016 თარიღებში. ამ სემინარების დროს ხელშეწყობილი იყო საქართველოში კოოპერატიული იდეების წამოწყება, ასევე ორგანიზატორების მიერ მხარდაჭერილი იყო რეგისტრაციის, ბიზნეს მოდელის, მარკეტინგული გეგმისა და პრობლემის გადაჭრაზე მუშაობის პროცესები. ბოლო სემინარი ასევე მოიცავდა კოოპერაციული გაერთიანების წევრი ქალების ტრენინგს.

by Anna Samwel

პროექტი EWA

WECF მხარს უჭერს EWA– ს პარტნიორებს 5000 კაცისა და ქალის (70%) ეკონომიკური თავდაჯერებულობის და პოლიტიკური მონაწილეობის გაზრდას დაბალშემოსავლიან სოფლად და ქალაქგარე რეგიონში მდგრადი ეკონომიკური განვითარებისთვის უნარების გაძლიერების გზით, საერთაშორისო გამოცდილების გაზიარებითა და პოლიტიკის ადვოკატირებით.

მიუხედავად იმისა, რომ საქართველო გეოგრაფიულად სამხრეთ-დასავლეთ აზიის ნაწილში მდებარეობს, ევროპის ნაწილია. საქართველომ დამოუკიდებლობის მოპოვებისკენ და დემოკრატიული სახელმწიფოს შენების გრძელი გზა განვლო. დღესდღეობით, ქვეყნის პოლიტიკურ ასპარეზზე დომინირებენ კაცები. 2013 წელს ქალთა რაოდენობა პარლამენტში 11% იყო, რომელთა 21% კაბინეტში ან მინისტრად მსახურობდა და მხოლოდ 10% წარმოადგენდა ადგილობრივი თვითმმართველობის ორგანოებს.

ვარდების რევოლუციის შემდეგ, რამაც გამოიწვია საქართველოს დემოკრატიული ღირებულებებისკენ სწრაფვა, ქვეყანამ ყურადღება გაამახვილა გენდერულ თანასწორობასა და ქალისა და კაცის თანაბარ შესაძლებლობებზე. ამასთან, საქართველოს დემოკრატიისკენ მიმავალ ბრძოლას ხელი შეუშალა ეკონომიკურმა გაურკვევლობებმა და ეთნიკურმა კონფლიქტებმა. ამ გამოწვევების ძირითადი მიზეზები მიგრაციის, უმუშევრობისა და სიღარიბის მაღალ დონეს წარმოადგენს. ამ ყველაფერმა უარყოფითი გავლენა მოახდინა ქალებსა და კაცებზე, განსაკუთრებით სოფლებში, სადაც კულტურულმა და ტრადიციულმა პატრიარქალურმა გავლენამ ხელი შეუწყო ქალთა დისკრიმინაციას, რომლებიც მუდმივად განიცდიან უთანასწორობას ეკონომიკური და პოლიტიკური გაძლიერების კუთხით.

სახელმწიფოს მხრიდან დახმარების არარსებობა ძალიან ურთულებს ცხოვრებას სოფლად მცხოვრობ ქალებს. WECF-ის პარტნიორი არასამთავრობო ორგანიზაციები, რომლებიც მუშაობენ საქართველოს სასოფლო დასახლებებში, ყურადღება გაამახვილეს ქალთა გაძლიერების ტრენინგებზე, სოფლის მეურნეობის უნარებსა და საზოგადოების განვითარებაზე. ქალებს აქვთ საკმარისი რესურსი და ცოდნა საგანმანათლებლო

შესაძლებლობებისკენ, რაც საშაულებას მისცემს განივითარონ ბიზნეს უნარები და გაზარდონ განვითარების შანსი. EWA პროექტი ხელს უწყობს ქალთა ლიდერობასა და გაძლიერებას.

ასევე, EWA პროექტი ყურადღებას ამახვილებს საარსებო წყაროების გაუმჯობესებაზე, რათა ქალები ჯერ გააძლიეროს ეკონომიკურად და შემდგომ, პოლიტიკურად. ხუთი პარტნიორი, რომელთაგან თითოეული ახორციელებს აქტივობებს, რომლებიც ხელს უწყობს ამ შედეგების მიღწევას: სოციალური განვითარების ცენტრი ახალციხე (SDCA), სოფლის თემების განვითარების სააგენტო (RCDA), საქართველოს ეკოლოგიური სოფლის მეურნეობის ასოციაცია (SEMA), ქალთა არასამთავრობო ორგანიზაცია PAROS და საქართველოს მწვანეთა მოძრაობა / მეგობრების მეგობრები დედამიწა საქართველო. პირველი ოთხი წარმოადგენს არასამთავრობო ორგანიზაციებს, რომლებიც არიან გამოცდილი საზოგადოების მობილიზებაში და მუშაობენ ქალებთან (ჯგუფებთან) საარსებო წყაროების გაუმჯობესებისა და მცირე ბიზნესის მხარდაჭერის საკითხებზე. მათი ძირითადი სამიზნე ჯგუფებია სოფლად მცხოვრები ქალები, სათემო ორგანიზაციები და სოფლის ხელისუფლება. RCDA მართავს ორ რესურსცენტრს. მწვანეთა მოძრაობა მუშაობს WatSan- ისა და ენერგეტიკული პოლიტიკის ანალიზსა და გენდერთან დაკავშირებულ საკითხებზე ეროვნულ დონეზე. პროექტი მიზნად ისახავს ქალთა ჩართულობის გაზრდას ყველა დონეზე, მაგრამ ასევე მოიცავს და სარგებელს მოუტანს კაცებს.

გადმოწერეთ ანგარიში აგრობიზნესის შესაძლებლობების შესახებ, საქართველოში მიმდინარე EWA პროექტის განხორციელების ფარგლებში.

იმისათვის, რომ კარგად გაეცნოთ EWA პროექტს საქართველოში, გთხოვთ ნახოთ ჩვენი ვიდეო.

დამატებითი ინფორმაციისთვის EWA პროგრამის შესახებ ეწვიეთ ჩვენს საერთაშორისო ვებ – გვერდს.

by Anna Samwel